காதலர்களா? கழிசடைகளா?

வாலேண்டினே தினம் என்பதை நம்மூரில் காதலர் தினம் என்று அழைக்கின்றனர். அழைத்து விட்டு போகட்டும். அதை இளம் காதலர்கள் கொண்டாடுகின்றனர். கொண்டாடிவிட்டு போகட்டும். ஆனால் கலாச்சார காவலர்கள் நாங்கள் என்று ஒரு இந்துத்துவா கும்பல் அதை கொச்சைபடுத்துவதும், அண்ணனும் தங்கையும் தெருவில் போனால், தாலியை எடுத்து நீட்டுவதும் செய்யும்போது இந்த பத்தாம் பசலிகளில் யார் யோக்கியம் என்று கேட்க தோன்றும். அவர்களை கர்நாடாக சென்று அவர்களது கட்சியின் அமைச்சர்களை பிடித்து அடிக்க சொல்லுங்கள் என்று கூற தோன்றும். அப்படி கூறிவிட்டு காதலுக்கும், காமத்திற்கும் வேறுபாடு தெரியாதவர்களே என்று நாம் கேட்கும் போதே இன்னொரு மதம் சார்ந்த அமைப்பும் இன்று காலை செய்தி ஏட்டில் போட்டபடி "கழிசடைகள் தினம்"" என்று தங்களது பங்கை செலுத்தியுள்ளனர்.


இவர்களது அவசர குடுக்கைதனத்தை ஆதரிப்பவர்கள் சிலர் கடற்கரையில் என்ன ஆபாசம் செய்கிறார்கள் தெரியுமா? என்று கேட்கிறார்கள். அப்படி செய்பவர்கள் எண்ணிக்கை ஒரு பத்து விழுக்காடு கூட கிடையாதே? ஒரு மதம் சார்ந்த தொண்ணூறு விழுக்காடு சமாதானம் பேசும்போது, பத்து பேர் குண்டு வைத்தால் எப்படி அந்த மதம் சார்ந்தவர்களைஎல்லாம் பழிப்பீர்கள்? என்று கேட்க தோன்றுகிறது. டைம்ஸ் ஆப் இந்தியா ஏட்டில் இன்று ஒரு ஆய்வு கட்டுரை. அதில் இளைஞர்கள் மத்தியில் மதம் தாண்டிய காதல், கல்யாணம் நடக்கிறது என்ற செய்தி. சென்ற ஆண்டு எண்ணிக்கையை விட இந்த ஆண்டு மதம் தாண்டிய திருமணங்கள் தமிழ்நாடு சிறப்பு திருமண சட்டத்தின் கீழ் இரண்டு மடங்காக ஆகியுள்ளது என்ற புள்ளி விவரம். அதை பார்த்து கோபப்பட்ட மதவாதிகள் திருமணம் முடிந்தபின், எத்தனை விவாக ரத்து தெரியுமா? என்று கேட்கின்றனர். இந்த கேள்வியை தலக் சொல்லி பிரிவதற்கு உரிமை உள்ள மதம் சார்ந்தோர் பேசலாமா என்று மறு கேள்வி. இப்படியாக இன்றைய சர்ச்சை இந்த சர்ச்சைஎல்லாம் நாங்கள் ஒவ்வொரு நாளும் நடத்தும் சித்திகளும், நிஜங்களும் நிகழ்ச்சியில் நடந்தது என்பதுதான் ஆச்சர்யம்.

நகர்மயமாதலால இளைஞர்கள் மதம் தாண்டி, சாதி தாண்டி காதல் திருமணம் புரிவது அதிகரித்துள்ளதா? அதுவும் ஒரு காரணம். இன்றைய உலகமயமாக்கலின் ஒரு விளைவு கிராமம், நகரம் வேறுபாடு இல்லாமல் இளைஞர்கள் முக்கிய நிரோட்டத்தின் பொருளாதரத்தில் இரங்கி விட்டனர். அதனால் பெற்றோரையும், அவர்கது விவசாய பொருளாதரத்தையும் நம்பி வாழவில்லை. சொந்த பொருளாதரத்தில் வாழ தொடக்கி விட்டனர். அதனால் சொந்தமாகவே தனக்கான வாழக்கை பங்காளியை தேர்வு செய்து கொள்கிறார்கள். அவர்களுக்கு பொருளாதரா வாழ்நிலைதான் முக்கியம். அதில் சாதியையும், மதமும் தலையிட இடம்கொடுப்பதில்லை. அதனால் இன்றைய பொருளாதார தேவைகளை அடிப்படையாக கொண்டு திருமண பந்தங்களை இளைஞர்கள் கட்டமைக்கின்றனர். அதற்கு வேறு வழியில்லாமல் கூட, பெற்றோர் ஒப்புக் கொள்கின்றனர். எல்லாம் போருகாதர தேவைகளிலிருந்து தீர்மானிக்க படுகிறது. அது நகர்மயமாதளால் ஊக்குவிக்க படும்தானே? கிராம, நகர வேறுபாடு நல்லுக்கு நாள் குறைந்து வரும் தமிழ்நாட்டில் அது அதிகமாக நடக்கத்தானே செய்யும்? இப்படியாவது சாதியையும், மதமும் உடையட்டுமே?

சிதம்பரத்திற்கு தக்க பதில் தருவோம்

பாளையம்கோட்டை மைதானத்தில் கூடன்குலமனு உலைகளை ஆதரித்து பிரதமர் அலுவலக கட்டளைக்கு இணங்க மத்திய அமைச்சர்களான வாசன் மற்றும் நாராயணசாமி ஆகியோருடன் ஒரு நீண்ட உரையை நிகழ்த்தி அதன்மூலம் தனது இருத்தலைஉருதி செய்து கொண்ட உள்துறை அமைச்சர் சிதம்பரம் பேசிய முக்கிய விசயமே, இருபத்தைந்து ஆண்டுகளுக்கு முன்பே இந்த கூடன்குலமனு உலை வரும் நேரத்தில் என்ன செய்து கொண்டிருந்தீர்கள் என்ற கேள்விதான். இதைதான் திரும்ப, திரும்ப ஊடகங்களும் பரப்பி வருகின்றன. அதை ஒட்டி சில அணுஉலை ஆதரவு என்னத்திற்கு வந்துள்ள மக்களும் கேட்டு வருகின்றனர். ஆகையால் நம் அவர்களுக்கு பதில் கொடுக்க வேண்டிய கட்டாயம் எழுந்து விட்டது.

அய்யா, சிதம்பரம் அவர்களே, நேநேகள் சொன்னதுபோல 1988 இல் என்ன சய்து கொண்டிருந்தீர்கள் என்ற கேள்விக்கு நாங்கள் 1986 இலிருந்தே என்ன செய்துகொண்டிருந்தோம் என்று பதில் கூற கடமைப்பட்டுள்ளோம். அதாவது 1986 இல் இந்த அணு உலை வரப்போகிறது என்ற செய்தியை இந்திய அரசு பரப்பிய உடனேயே, கூடங்குளம் வட்டாரத்தில் இருந்த ஆண்டன் கோம்ஸ் தனது நண்பர்களுடன் சேர்ந்து அதை எதிர்க்க ஆயத்தமானார். அப்போது அவர் ஐக்கிய ஜனதா தளம் என்ற ஜார்ஜ் பெர்ணன்டஸ் கட்சியில் ஆர்வமாக இருந்தார். அந்நேரம் ஜார்ஜ் பெர்ணன்டஸ் அவர்களும் அணு உலைகளை எதிர்த்து கருத்து கூறி வந்தார். அப்போது சென்னையில் இருந்த யு.என்.ஐ.செய்தி நிறுவன ரமேஷ் இந்த கூடங்குளம் அணு உலை பற்றிய ஆராய்ச்சிகளை செய்து அதை வரவிடாமல் செய்ய போராட்டங்களை கட்டமைக்க அன்டன் கோம்ஸ் அவர்களை தொடர்பு கொண்டார். 1987 ஆம் அண்டு இதற்கான பணிகளை கட்டமைக்க ஆர்வலர்கல் நெல்லை,த்க்ஹூத்துகுடி மாவட்டங்களில் திரட்டப்பட்டனர்.


அதை ஒட்டி, 1987 ஆம் ஆண்டு செப்டம்பர் மாதம் இருபத்தி இரண்டாம் நாளில் இதே இடிந்தகரையில் வைத்து ஆண்டன் கோம்ஸ் ஏற்பாட்டில் ஒரு பொதுக்கூட்டம் போடப்பட்டது. அதில் சென்னையை சேர்ந்த ஊடகவியலாளர் ரமேஷ், ஞானி போன்றோர் கலந்து கொண்டு பேசினார். அதில் "கூடங்குளம் அணு உலை எதிர்ப்பு கூட்டமைப்பு" என்ற பெயரில் ஒரு போராட்ட மைப்பு ஏற்படுத்தப்பட்டு அறிவிக்கப்பட்டது. அதன்பின் 1988 ஆம் ஆண்டு நவம்பர் இருபத்தி ஒன்றாம் நாள் திமுக வின் அன்றைய மாநிலங்கலவை உறுப்பினர் வைகோ ஒரு மாபெரும் எழுச்சி உரையை கூடங்குளம் அணு உலை கொண்டுவரக் கூடாது என்று ஆற்றினார். அப்போது சாட்சியாக காட்டுவதற்கு ஒரு செர்நோபில் அணு உலையின் விபத்து சோவியத் யூனியனில் நடந்து உலகமே அதிர்ச்சி ஆகியிருந்தது. அதன்பின்தான் உங்கள் மத்திய அரசு ௧௯௮௮ ஆம் ஆண்டு நவம்பர் இருபத்தி ஆறாம் நாள் இந்த கேடுகெட்ட கூடங்குளம் அணு உலைக்கான ஒப்பந்தந்த்தை கை எழுத்தாக்கியது.

சிதம்பரம் வர்களே, இந்த சுட்டி காட்டுதல்கள் போதுமா? இன்னமும் வேண்டுமா? உங்களுக்கு அந்த கூடங்குளம் அணு உலை எதிர்ப்பு கூட்டமைப்பு ஆண்டன் கோம்ஸ் தலைமையில் தமிழ்நாடு முழுவதும், மற்றும் புதுச்சேரி மாநிலம் முழுவதும், மற்றும் கேரளாவிலும், மற்றுமிலங்கையிலும் எப்படி தகலாது பரப்புரையையும் போராட்டங்களையும் நடத்தியது என்ற சான்றுகளை அளிக்க எப்போதும் தயாராக இருக்கிறோம். என் என்றால் நாங்கள் அன்ற்ஹா கூட்டமைப்பில் பணியாற்றியவர்கள்.அதனால் உங்கள் ஒரே சண்டேஹ்கம் இருபத்தஹிந்து ஆண்டுகளாக சும்மா இருந்துவிட்டு இப்போது போராடுகிறீர்கள் என்பதுதான்.அடஹ்ர்கு விடை அளவுக்கு அதிகமாகவே எண்கள் அவசம் இருக்கிறது. உங்கள் வாயை மூடிவிட்டு, அந்த அனஊளையையும் மூடிவிடுங்கள்.

பினராய் எறிந்த கல்லில் மாங்காய் விழுமா? கற்கள் விழுமா?

பினராய் விஜயன் கேரளாவின் சி.பி.எம். என்ற மார்க்சிஸ்ட் கட்சியின் மாநில செயலாளர். கேரளா சிபிஎம் தமிழ்நாட்டு கட்சி போல அல்ல.அங்கே அது ஆளும்வர்க்க கட்சி. அதாவது மீண்டும், மீண்டும் ஆட்சிக்கு வரும் தகுதி கொண்ட கட்சி. அதனால் அதன் செயல்பாடுகள் உங்களுக்கு ஒரு முதலாளித்துவ கட்சியை போலவே தோன்றலாம்.ஆனாலும் அது சிவப்பு கொடிகட்சி என்பதால் நீங்கள் அப்படி நினைக்க கூடாது. மாநில செயலாளர் பினராய் விஜயனுக்கும், வி.எஸ். அச்சுதானந்தன் என்ற முன்னாள் முதல்வருக்கும் என்ன தகராறு என்று நீங்கள் கேட்க கூடாது. அது "தத்துவார்த்த" பிரச்சனையாக இருக்கலாம் என்று நீங்களே நினைத்துக் கொள்ள வேண்டும். நடந்து கொண்டிருக்கும் மாநில மாநாட்டில் அச்சுதானந்தன் ஒர்ங்கட்டபட்டாரே என்று நீங்கள் கேட்க கூடாது. அச்சுதாநாதன் எழுதிய அறுபது புகார் கடிதங்களும் அரசியல் தலைமை குழுவான பொலிட்பீரோவில் விவாதிக்க பட்டதா? என்று நீங்கள் கேட்க கூடாது. பொதுவுடைமை கட்சியில் விமர்சனம், சுய விமர்சனம் இரண்டும் வரும், போகும் என்று நீங்கள் சும்மா இருக்க வேண்டும். பினராய் விஜயனை கண்டித்து அச்சுதானந்ததிற்கு ஆதரவாக, வந்திருந்த யச்சுரியும், பிருந்தாகரந்தும் பேசினார்ககளே என்று நீங்கள் திருப்தி அடைய வேண்டும். ஐந்தாவது முறையாக மாநில செயலாளராக பினராய் விஜயனை இந்த முறை முன்வைத்ததே அச்சுதானந்தன் தான் என்று நீங்கள் அறிய வேண்டும். அதுதான் கம்யுனிஸ்ட் கட்சியின் தந்திரம் என்று கூறக்கூடாது. அது சிறுபான்மையை வைத்து பெரும்பான்மை கருத்தை சொல்ல வைக்கும் கட்சி வழி என்று புரிந்து கொள்ள வேண்டும்.

இப்போது புதிய பிரச்சனை ஆரம்பமாகி உள்ளது. மார்க்சிஸ்ட் கட்சியின் மாநில மாநாட்டிற்காக பல கிளைஅமைப்புகளும், வெகு மக்கள் அமைப்புகளும் சுவரொட்டி போடுவார்கள் அல்லவா? அதுபோல ஒரு சுவரொட்டியை சி.ஐ.டி.யு.போட்டுள்ளது. அந்த சுவரொட்டியில் "ஏசுநாதரின் கடைசி விருந்து" என்ற பிரபல விருந்தை பற்றி "மாற்று முகங்களுடன்" அச்சிடப்பட்டுள்ளது. அதாவது ஏசுநாதரும், யோவானும், காஷியசும், எல்லா பதின்மூன்று சிஷ்யர்களும் இணைந்து சாப்பிட்ட உணவு சாப்பிடும் படத்தை அப்படியே மாற்றி அரசியல்வாதிகளை போட்டு அச்சடிக்கபட்டுள்ளது. அதாவது ஏசுநாதர் இடத்தில் அமெரிக்க அதிபர் பார்க் ஒபமா, மாட்டார் சீடர்கள் இடங்களில் சோனியா, மன்மோகன், ராகுல்காந்தி, ஏ.கே.அந்தோணி, ஊமன் சாண்டி, ரமேஷ் சென்னிதாலா, எல்.கே.அத்வானி, நரேந்திர மோடி, பிரான்ஸ் நாட்டு அதிபர் நிகோலஸ் சர்கோசி ஆகியோர் இருப்பது போன்ற படம் அது. அந்த படத்தில் " முதலாளித்துவத்தின் கடைசி விருந்து" என்று எழுதப்பட்டுள்ளது. இது ஏசுநாதரின் கடைசி விருந்து என்ற மிகவும் புனிதமாக் கிருத்துவ மக்களால் உலகம் முழுவதும் ஏற்றுக் கொள்ளபட்ட ஒரு படத்தை அவமானப்ப்டுத்துவது என்ற முழக்கம் இப்போது கிளம்பி உள்ளது.

இந்த சுவரொட்டியை சி.ஐ.டி.யு. பல இடங்களில், குறிப்பாக திருவனந்தபுரத்தில் குன்னபுழா, பேரூர் கோணம், தக்கனபுரம், ஆகிய இடங்களிலும் ஒட்டியுள்ளது. ஊமன் சாண்டி இந்த சுவரொட்டியை கடுமையாக கண்டித்துள்ளார். மத நம்பிக்கைகளை புண்படுத்துகிறது என்றார். கேரளா கத்தோலிக்க திருசசபை, " இந்த கம்யுனிஸ்டுகள் தான் கடைசி உணவு எடுக்கிறார்கள் என்றும், ரஷியா, கிழக்கு ஜெர்மனி ஆகியவை அழிந்து விட்டன என்றும், சீனாவில் இருப்பது கம்யுனிசம் அல்ல" என்றும் கூறியுள்ளார். அதேபோல சிரோ-மலபார் திருச்சபையின் பாதிரியார் பால் தலைக்கா கடுமையாக விமர்சித்துள்ளார். கேரளா கத்தோலிக்க பேராயர்களின் மாநாட்டின் பேச்சாளர் ஸ்டீபன் அலட்ரா கடுமையாக விமர்சித்துள்ளார். அதற்கு மார்க்சிஸ்ட் கட்சியின் மாநில செயலாளர் பினராய் விஜயன் இந்த சுவரொட்டி கட்சி தலைமைக்கு தெரியாமலேயே வெளிவந்து விட்டது என்றும் அதை தாங்கள் உடனேயே கிழித்து விட சொல்லி விட்டோம் என்றும் பதிலுரை கூறியுள்ளார்.

நம்முடைய சந்தேகம் எல்லாம் பினராய் விஜயனுக்கு வேண்டாத கட்சிக்குள் இருக்கும் கும்பல் செய்திருப்பார்களோ? ஏன்? எதற்காக் அவர்கள் பினராய்க்கும் கிருத்துவர்களுக்கும் "சண்டை" மூட்ட வேண்டும்? மார்க்சிஸ்ட் கட்சிதான் தன்னை எப்போதுமே மதவாத வாக்குகளை விட்டு கேரளாவில் தூரம் தள்ளி நிற்குமே? இப்போது பினராய் விஜயனுக்கும், கிருத்துவ மதவாதிகளுக்கும் இடையில் எதற்காக புதிய சண்டையை மூட்ட அவரது எதிர் அணி வேலை செய்ய எவ்ண்டும்? அதாவது எர்ணாகுளம் மாவட்டத்தின் பிரவம் தொகுதியில் மானி காங்கிரஸ் ஜேக்கப் இறந்தபின் இடைதேர்தல் வருகிறது. அதில் மானி காங்கிரஸ் தோற்றாலும், வெற்றி பெற்றாலும் அவர்களுக்கு பெரிய லாபமோ, நட்டமோ இல்லை. அதேநேரம் பினராய் விஜயனின் ஆளான முன்னாள் உள்துறை அமைச்சர் கொடியேறி பாலகிருஷ்ணன் { மாநில மாட்டில் அச்சுதானததிற்கு எதிராக செயல்பட்டவர்} மானி இடம் ஒரு ரகசிய ஒப்பந்தம் செய்தாராம். அதில் மானி காங்கிரசின் எட்டு சட்டமன்ற உறுப்பினர்களும் இடதுசாரி கூட்டணிக்கு வந்துவிட்டால், மானிக்கு முதல்வர் நாற்காலி உறுதி என்று கூறியுள்ளாராம். இத்தகைய காய் நகர்த்தல் மூலம் பினராய் விஜயனின் எதிரான அச்ச்தானந்ததை முதல்வராக வர விடாமல் தடுத்து விடலாம். அதேசமயம் இடதுசாரி அரசாங்கத்தை கேரளாவில் ஏற்படுத்தி விடலாம். ஊமன் சாந்தியின் காங்கிரஸ் தலைமையிலான் ஐக்கிய ஜனநாயக கூட்டணி அரசை கலைத்து விடலாம். பினராய் விஜயனும் ஒரு அமைச்சராக வந்து விடலாம். ஒரே கல்லில் எத்தனை மாங்காய்களை வேண்டுமானாலும் அடித்து விடலாம் என்பது அந்த விஜயன் குழுவிற்கு கணக்கு.

மேற்கண்ட கணக்கை முழுவதும் இந்த குறிப்பிட்ட சுவரொட்டி கலைத்து விட்டதா? இந்த சுவரொட்டி அச்ச்தானந்ததிற்கும், ஊமன் சாந்திக்கும் உதவி செய்து விட்டதா? இந்த சுவரொட்டி பற்றி சி.பி.ஐ. கட்சியின் தலைவர் ஒருவர் மார்க்சிஸ்ட் மாநாடு ஒரு "நிகழ்ச்சி மேலாண்மை" என்று கூறி விட்டார். அதற்கு பினராய் அவரை காய்ச்சி எடுத்து விட்டார். அவரோ பதிலுக்கு ஏசுநாதரை உலகம் முழுவதும் கம்யுனிஸ்டுகள் ஒரு புரட்டிசியாளராக பார்கிறார்கள். அவர் படத்தை வைத்தது தவறல்ல. ஆனால் அந்த கடைசி விருந்து சுவரொட்டியில் நீங்கள் எப்படி "முகங்களை மாற்றலாம்?" என்று கேட்டுள்ளார். அதனால் இன்று சென்னை நியு இந்தியன் எக்ஸ்ப்ரெசில் அந்த செய்தி வந்து விட்டது. தோண்டினால் அதற்கு பின்னால் இவ்வளவு செய்திகள் உள்ளன. அதேசமயம் பினராய் விஜயன் மாநாடு தொடங்கும்போதே "ஏசுநாதர் உலகின் முதல் புரட்சியாளர்" என்று வேறு கூறிவிட்டார். அதை உடனேயே மலபார் பேராயர் ஆதரித்து கூறிவிட்டார். இப்படியாக கிருத்துவ வாக்கு வங்கிகளை குறி வைத்து பேசப்படும் பேச்சுகள், நமக்கு மானி காங்கிரசின் வாக்கு வங்கி முழுவதும் கிருத்துவ வாக்கு வங்கி என்ற உண்மையை கூறாமல் இருக்க முடியவில்லை.

சல்வா சுடும் தலைவரை மாவோவாதிகள் அழித்தார்கள்.

சட்டிஸ்கர் மாநிலத்தில் ஆதிவாசிகள் வாழும் காட்டு பகுதிகளிலும், மலை பகுதிகளிலும் மத்திய அரசின் சதிச்செயலான் "கனிம வளங்களை"களவு செய்யும் கார்போறேட்களை எதிர்த்து போராடும் மக்களுக்கு மாவோவாதிகள் தலைமை தாங்கும் நேரத்தில், அதை எதிர்கொள்ளசட்டிச்கர் காவல்துறை சல்வா சுடும் என்ற கூலி படையை ஆதிவாசிகள் மத்தியில் உள்ள பொறுக்கிகளை வைத்து அமைத்து அதையே ஆதிவாசிகளை எதிர்த்து போராட பயன்படுத்தி வந்தது. அந்த சல்வா சுடும் என்ற பொருக்கி கூலி படைக்கு அனைத்து ஆயுதங்களையும் கொடுத்து காவல்துறை பேணி வந்தது. அந்த கூலி படையும் அனைத்து விதமான் பாலியல் பலாத்காரங்களையும் பெண்கள் மீது கட்டவிழ்த்து விட்டது. பல அப்பாவி ஆதிவாசி மக்களை கொலைகள் செய்துவந்தது. இவை எல்லாமே உச்சநீதி மன்றத்தின் முன்னாள் வைக்கப்பட்டது. உடனேயே அதை நாக்கு அறிந்த உச்சநீதி மன்றம், சல்வா சுடும் கூலி படையை கலைக்க சொன்னது.அதை செய்யசட்டிச்கர் காவல்துறை தயாராக இல்லை.அதனால் அந்த கூலி படையின் ஆட்களையே வைத்து, ஒரு சிறப்பு காவல் அதிகாரிகள் படையென்று ஒன்றை துவங்கியது. இது முழுமையாக் இந்த நாட்டின் அரசியல் சட்டத்தையே மதிக்காமல் செய்யும் போக்கு.


அந்த சிறப்பு காவல் அதிகாரிகள் படைக்கு மீண்டும்தளிவராக அந்த சல்வா சுடும் படையிம்முக்கிய தளபதியான "கார்டோம் சூரியா" என்ற முரடனையே போட்டது. அந்த கார்டோம் சூரியா தனது தலைமையின் கீழ் நூறு சிறப்பு காவல் அதிகாரிகளை வைத்து கொண்டு தனி அராஜக ஆட்சியை அந்த காட்டு பகுதிகளில் நடத்தி வந்தான்.அவன் செய்த கொலைகளையும், பாலியல் வன்முறைகளையும் மக்கள் கணக்கு பார்த்து சொல்கிறார்கள். அந்த அளவுக்கு அரசின் காவல் படை என்ற பெயரில் ஒரு ஆராச கூலி படையை அந்த சட்டிஸ்கர் அரசு பராமரித்து வந்தது. கடைசியாக் அமாவோவாதிகளின் "தோட்டாக்களுக்கு" அந்த கொடியவன் அதாவது அந்த கூலி படை தலைவன் கார்டோம் சூரியா "பலியானான்"என்ற செய்தயு அந்த மக்களுக்கு ஒரு இனிப்பு செய்தியாக இருக்கிறது. நமது ர்டமழ்நாட்டில் இதேபோல பன்னிரண்டு ஆண்டுகள் கழித்து ஒரு கீழவென்மனியின் பண்ணையார் கோபாலகிருஷ்ணன் நாயுடு தனது நாற்பத்தி நாலு தேவேந்திர கூலி விவசாயிகளை கொலை செய்த செயலுக்காக பழி வாங்க பட்டதை மக்கள் வரவேற்றார்களோ,மாநிலமெங்கும் இனிப்பு கொடுத்தார்களோ, அதுபோல வரவேற்றிருப்பார்கள் என்று நமக்கு புரிகிறது.

ஐரோப்பிய யூனியனுடன் ஒரு கையும், ஈரானுடன் இன்னொரு கையும்?

மன்மோகன்சிங் ஒரு சிறந்த சர்கஸ் வித்தைகாரர்தான். ஒரு கையில் சாட்டையும் , இன்னொரு கையில் ஆட்டையும் சிங்கத்தின் வாய் அருகே காட்டும் ஒரு சர்கஸ் வீரன் போல நடந்து கொள்கிறாரே? ஐரோப்பிய யூனியனின் ஆணைய தலைவரும், கவுன்சில் தலைவரும் டில்லி வந்துள்ளபோது, நேற்று அவர்களுடன் கை குலுக்குகிறார். சமீபத்தில் அமெரிக்காவும், ஐரோப்பிய யூனியனும் சேர்ந்து ஈரானுக்கு எதிராக "பொருளாதார புறக்கணிப்பை" அறிவித்த போது, அதை இந்தியா ஏற்கவில்லை. ஈரானுடன் தான் இந்தியா சமையல் எரிவாயு குழாய்களை அமைத்து செயல்படும் என்றபதில் இந்திய அரசு உறுதியாக உள்ளது. ஐரோப்பிய யூனியன் ராணுவ வழி தீர்வை விரும்பவில்லை என்றும், பொருளாதார தடை மூலம் ஈரானை அதனது அணு சக்தி கொள்கையிலிருந்து இரங்கி வர வைக்கவே விரும்புகிறோம் என்றும் வந்தவர்கள் கூறியும் கூட, மன்மோகன் இந்திய அரசின் கொள்கையாக அத்தகைய ஒரு பொருளாதார தடைக்கு தாங்கள் ஒப்புகொள்ள இயலாது என்றார்

. அதேசமயம் ஈரான் அணு சக்தி விசயத்தில் சிறிது சிக்கலான நிலையை எடுப்பதாகவும், ஆனாலும் இந்தியாவின் முக்கிய எரிசக்தி உதவியாளரும், நண்பனுமான ஈரான் என்றும் கூறினார். இந்தியர்கள் அறுபது லட்சம் பேர் வளைகுடா நாடுகளில் வேலை செய்கிறார்கள் என்பதையும் மன்மோகன் கூறி, ஆகவே சமாதனம்தான் இந்திய அரசு விரும்புவது என்றார்.அதாவது ஐரோப்பிய யூனியனுடன் இந்திய அரசு ஈரான் விசயதில் மாறுபட்டு நிற்பதை டில்லிகாரர்கள் மறுக்க முடியவில்லை. என்னதான் அமெரிக்க அடிவருடியாக இருப்பதையே மன்மோகன் விரும்பினாலும், ஈரான் மூலம் இந்தியாவிற்கு தேவையான எரிசக்தியை தொடர்ந்து பெற்று வருவதால் இந்த டில்லிகாரர்களால் ஈரானை விட்டு விலகி நிற்க முடியவில்லை. ஆனாலும்கூட, நாம் பழைய நிகழ்வுகளை மறக்கமுடியாது. அதாவது ஈரானுடன் எரிவாயு குழாய்களை போடா இந்திய அரசு முயன்ற போது அதை எதிர்த்த அமெரிக்கா அப்போது மன்மோகன் மூலம் எதிர்ப்பை பதிவு செய்தது. இது ஐக்கிய முற்போக்கு கூட்டணியின் முதல் கட்ட ஆட்சியில் நடந்தது. அப்போது நட்வர்சிங் ஈரானுடன் பேச்சுவார்த்தை நடத்தி எரிவாயு குழாய்களை போடா திட்டமிட்டதர்காக் அமெரிக்காவால் நிற்பந்தப்படுதபட்டு அமைச்சரவையிளிருந்தே தொக்கி எறியப்பட்டார்.அதேவேலையை அடுத்து எண்ணைவள அமைச்சராக வந்த மணிசங்கர் ஐயர் செய்தவுடன் அவரையும் அமேரிக்கா விருப்பத்திற்காக மன்மோகன் மைச்சர்வையிளிருந்தே நீக்கினார். இரண்டாவது ஐ.மு.கூ. ஆட்சியில் மன்மோகனின் இந்த அமெரிக்க சார்பு நிலைப்பாடு, உலக சூழலின் மாற்றத்தில் எடுபடாமல் போய்விட்டது.

அதேபோல சிரியா விஷயம் வந்தது. அதில் அமெரிக்காவின் நிலைபாட்டை இந்திய அரசு ஆதரிக்கிறது என்றார் மன்மோகன். அதாவது சிரியா மேல்றாணுவ தாக்குதலை கட்டவிழ்த்து விட ஆதரிக்கிறது என்று பொருள்.ஐநாவின் பாதுகாப்பு அவையிலேயே இந்தியா அமெரிக்காவின் நிலைபாட்டை ஆதரித்து சிரியா மீது ராணுவ தாகுதல் நடத்த ஆதரவு கொடுத்தாலும் சீனாவும், ரஷியாவும் அதற்கு தடையாக வீடோ அதிகாரத்தை பயன்படுத்தி விட்டனர். ஆனாலும் இந்திய அரசு ஐரோப்பிய தலைவர்களிடம் தாங்கள் சிரியாவிற்கு எதிராக இருப்பதை மறு உறுதயு செய்துவிட்டார்.இவ்வாறு இந்திய அரசு தனது தன்னலம் காரணமாக தான் சில நேரங்களில் அமெரிகைன் நிலைக்கு எதிர் நிலை எடுக்குமே தவிர எப்போதும் அமெரிக்கா பக்கம்தான் என்பதை மீண்டும் நிரூபித்து வருகிறது.

சிதம்பர கலைஞர் கூட்டு நடவடிக்கை?

கூடங்குளம் அணு உலையை எப்படியாவது கொண்டுவர பிரதமர் அலுவலகம் ஒரு வேலையை உள்துறை சிதம்பரத்திடம் ஒப்படைத்துள்ளது. அதை செவ்வென செய்ய உள்துறையும் கலைஞரை நம்பி அடி எடுத்து வைத்துள்ளது. திமுக கூடங்குளம் அணு உலையை எதிர்க்காமல் இருந்தா போதும் என்றும், தாங்கள் ஜெ அரசுக்கு நிர்பந்தம் தர திட்டமிடலாம் என்றும் சிதம்பரத்திடம் கைஞர் கூறியுள்ளார் என்பதே தகவல். அதற்கு பிரதி உபகாரமாக புதிய தலைமை செயலகத்தை மருத்துவமனையாக மாற்றும் ஜெ வின் திட்டத்திற்கு மதிய அரசின் தடையில்லா சான்றிதழை தடுத்து விடுகிறோம் என்றாராம் அந்த உள்துறை. அதையொட்டியே கலைஞரும் தனது கட்சியின் உயர்நிலை குழுவிலும், பொது குழுவிலும் ஒரு தீர்மானம் கொண்டு வந்தார். அதில் கூடங்குளம் அணு உலையை ஆதரிக்கவும் இல்லை, எதிர்கவும் இல்லை. இவ்வளவு பெரிய கட்சியான திமுக வின் பொது குழுவிற்கு அணு உலை பற்றிய ஒல்கையும இல்லை. கூடங்குளம் பற்றி நிலைபாடும் இல்லை மாறாக தமிழக அரசு விரைவில் முடிவு செய்ய வேண்டும் என்று இருக்கிறது. இதுதான் திமுக வின் உண்மை நிலையா?

1988 இல் இதே கூடங்குளம் அணு உலை வரபோகிறது என்று அரசு முடிவு செய்த நேரத்தில் கூடங்குளம் அணு உலை எதிர்ப்பு கூட்டமைப்பு என்ற அமைப்பின் அன்றைய தலைவர் ஜி.ஆண்டன் கோம்ஸ் தலைமையில் மாநிலம் தழுவிய போராட்டங்கள் நடந்த போது, முரசொலி ஏட்டின் வார ஏடான "புதைஒயல்" ஏட்டின் அன்றைய ஆசிரியர் ஞானி ஒரு கட்டுரையை கூடங்குளம் அணு உலைக்கு எதிராக எழுதி, அதை படித்த பின் ஞானி முரசொலி மாறனிடம் அது பற்றி பேசி, மாறனும் கலைஞரிடம் எடித்து சொல்லி, அதன் விளைவாகவே அன்றைய கலைஞர் வைகோ விடம் பேசி அவரும் நாடாளுமன்றத்தில் முழங்கியதும அதை அன்றைய கே.பி கந்தசாமியின் தினகரன் ஏடு முதல் பக்கத்தில் அச்சிட்டதும் பசுமையாக நினைவுக்கு வருகிறது. அப்படியானால் எப்படி இப்போது அதே கலைஞரிடமிருந்து இப்படி ஒரு வெளிப்பாடு வருகிறது?

அதுவும் அதிமுக அரசுக்கு நெருக்கடி கொடுத்து மத்திய அரசுக்கு வக்காலத்து வாங்குவது என்பதாக வருகிறது? பிபரவரி ஒன்பதாம் நாள் முரசொலியில் முதல் பக்கத்தில் கலைஞரே எழுதும் கேள்வியும் நானே, பதிலும் நானே பகுதியில் ஒரு செய்தியை எழுதியுள்ளார் கலைஞர். அது கூடங்குளம் அணு உலைக்கு ஆதரவாக மதுரையில் போராடிய காங்கிரஸ் வழக்கறிஞர் பூசை துறையை தமிழக காவல்துறை எப்படி கைது செய்யலாம் என்று கலைஞர் கேட்கிறார். அதை விளக்கும் போது 1986 இல் கூடங்குளம் அணு உலைக்கு அடிக்கல் நாட்டும் போது என் உதயகுமார் எதிர்ப்பு தெரிவிக்க வில்லை என்று ப்பூசைதுரையை சாக்கா சொல்லி கலைஞர் கேட்கிறார். அய்யா கலைஞர் அவர்களே, இருபத்தைந்து ஆண்டுகளுக்கு முன்பே எங்களது எதிர்ப்பையும் அதில் உங்களது பங்களிப்பையும் சற்று எண்ணிப்பாருங்கள் அய்யா. இருபத்தைந்து ஆண்டுகளுக்கு முன்பு களிப்னர் அவர்களே நீங்கள் இதை எதிர்க்கும் போதும், தங்கள் வலது கரத்தில் உள்ள ஆசிரியர் வீரமணி அவர்கள் தனது வார ஏடான உண்மையில் கூடங்குளம் அணு உலைக்கு எதிர்ப்பு கொடுத்ஹ்டு பல கட்டுரைகளை வெளியிட்ட போதும், எங்களுடன் அணு உலை எதிர்ப்பு கூட்டமைப்பில் திராவிடர் கழகம் கலந்து கொண்டதும் எந்த அந்நிய பணத்தை வாங்கி கொண்டோ, அல்லது எதிர்பார்த்தோ என்று விளக்க முடியுமா???


இப்போது தமிழக அரசுக்கு நெருக்கடி கொடுக்க எண்ணி கலைஞர் அவர்களே நீங்கள் கோவையில் உள்ள "சிறு தொழில் கூட்டமைப்பை" தூண்டி விட்டு "மின்வெட்டை" எதிர்த்து போராட்டத்தை தூண்டி விட்டு அதை முரசொலியில் பிபரவரி ஒன்பதாம் நாளும், பத்தாம் நாளும், பதினோராம் நாளும் தலைப்பு செய்தியாக போட்டு, அதன்மூலம் "மின்சாரம் வரவேண்டும் என்றால் அணு உலை வரவேண்டும்" என்ற ஒரு "வக்கணையான" சிதம்பரம் சூத்திரத்தை விற்பனை செய்து வருகிறீர்களே? இது நியாயம்தானா? இப்போது தமிழ்க்ஹா மக்களை மின் வெட்டிற்கு எதிராக தூண்டி விட்டு அதையே அணு உலைக்கு சாதகமாக திருப்பி விட இந்த இரு தலைவர்களும் திட்டமிட்டுள்ளார்கள். அதுவே எழுத்தாளர் சோலையின் கட்டுரை வடிவில், நக்கீரனில் இப்போது வெளி வந்துள்ளது. அதிலும் அமெரிக்கா தோண்டலில் என்று எழுதும் சோலை "மன்மோகனும், திமுகவும்" சேர்ந்து தான் அமெரிக்க- இந்திய அணு ஒப்பந்தத்தை ஆதரித்தவர்கள் எனபதை ஏனோ மறந்து விட்டார். இதே நக்கீரனில் பழைய அணு உலை எதிர்ப்பாளர் ஏ.எஸ்.பன்னீர்செல்வம் திமுகவின் நிலையை ஆதரிக்க வேண்டி, அமெரிக்காவுடனான அணு உலை ஒப்பந்தத்தை ஆதரித்து எழுதினர் எனபதையும் ஏனோ மறந்துவிட்டார். எல்லாமே கலைஞரின் உறவுக்கார, செயலாளர் ராஜமாணிக்கம் கூறியதால்தான் சோலை அப்படி எழுதுகிறார் என்று நாம் எப்படி சும்மா பார்த்து கொண்டு இருக்க முடியும்?

சிதம்பரம் பேச்சுக்கு தவணை முறையில் மறுப்பு

கூடங்குளம் அணு உலை வேண்டாம் என்ற குரல் இந்தியா முழுவதும் கேட்டபின் நாடு முழுவதும் உள்ள வார இருக்கும் அணு உலைகளை எதிர்க்கும் போக்கை அது ஏற்படுத்துகிறது என்று உணர்ந்த பின், தலைமை மைச்சர் அலுவலகம் விழித்து கொண்டு இதை விடகூடாது என முடிவு எடுத்து அதற்கு பிறகு உள்துறை வசம் அந்த பொறுப்பை ஒப்படைத்துள்ளது. உள்துறை தமிழ்நாட்டு காங்கிரசி தனக்கு செல்வாக்கு இல்லையே என்ற நிலையில் முதலில் இணை மைச்சர் நர்ரயன்சாமியை அனுப்பி எதிர்க்க சொன்னது. அதாவது அணு உலையை ஆதரிக்க சொன்னது. அந்த மனிதன் தன்னை தபால்காரர் போல காட்டி கொண்டதால் தமிழக மக்களிடம் தனிப்பட்டு விட்டார். பிறகுதான் நெல்லை நாடாளுமன்ற தொகுதி எம்.பி.யான வாசன் குழுவை சேர்ந்த ராம்சுப்புவை பிடித்ஹ்டு அணு சக்தி துறை அவருக்கு "காசுகள்" கொடுத்து அவர்மூலம் பல "வேலையற்ற பேச்சாளர்களை" அழைத்து வந்து கூட்டம் போட, பட்டினிப்போர் நடத்த என்று நாடகம் ஆடினார்கள். அதுவும் எடுபடாத நிலையில் சிதம்பரமே நேரில் வர ஏற்பாடு செய்தார்.

பிரதமர் அலுவலக வற்புறுத்தலில் இணை சேராத தமிழக காங்கிரசின் குழுக்கள் இணை சேர்ந்தன.சிதம்பரம் இரண்டாம் அலைகற்றை வரிசை ஊழலில் சிக்கி "மூஞ்சி" வெந்துபோன நிலையில் இந்த பிரதமர் அலுவலக வற்புறுத்தலுக்கு ஒப்புகொண்டார்.அதுவே பாளையம்கோட்டை ஜவர் மைதானம் பொது கூட்டமாக நாலாம் நாள் அதாவது சிங்களர்களின் தேசிய தினத்தில் போடப்பட்டது. அதாவது தமிழர்களுக்கு எதிரானது அந்த அணு உலை என்று உணர்ந்த சிதம்பரம் தமிழர்களுக்கு எதிரானவர்களின் தேசிய நாளை தேர்வு செய்தது பொருத்தமானதே. அந்த கூட்டத்தில் அவர்கள் பேசிய பெசுகளை ஒவ்வொன்றாக எடுத்து கொண்டு பதில் கொடுக்க வேண்டிய பொறுப்பு நமக்கு உண்டு.

முதலில் தேடிபார்த்தும் அந்த காங்கிரஸ் மத்திய மைச்சர்கள் யாருமே "அணு உலை" பற்றிய விவரங்களை பேசவில்லை. அதாவது அணு உலை கூடாது என்போரது வாதத்தையோ, அதற்கு பதிலாக அணு உலை சரிதான் என்ற வாதத்தையோ மக்கள் முன்னே வைக்க அவர்கள் முயற்சிக்க வில்லை.அவர்கல்யருகுமே அது பற்றி தெரிந்திருக்க வில்லை என்றும் எடுத்து கொள்ளலாம். சர்ச்சைக்குள்ளான கேள்விகளுக்கு விடை தெரியாது என்றும் எடுத்து கொள்ளலாம். அணு உலை பற்றி அவர்களுக்கு சந்தேகம் உண்டு என்றும் எடுத்து கொள்ளலாம். நமெகென்ன என்று அக்கறையற்றவர்கள் என்றும் எடுத்து கொள்ளலாம்.மொத்தத்தில் எந்த விதத்திலும் திருநெல்வேலி மக்களை புரிய வைக்கவோ,தெளிவு படுத்தவோ விளக்கம் அழிக்கவோ அவர்கள் அந்த கூட்டத்தை நடத்தவில்லை எனபது மட்டும் தெரிகிறது.

அப்படியானல்தமிழக அரசுக்கு "தலைவலி" கொடுக்கவே அவர்கள் கூட்டம் நடத்தினர் என்பது இதிலிருந்தே தெரிகிறது.இப்படி ஒரு உள்துறை அமைச்சர் நமக்கு கிடைத்துள்ளார்.அடுத்து அனர்த்த சிதம்பரம் அணு உலை எதிர்ப்பு என்ற இருபத்தைந்தாண்டு போராட்டத்தில் இன்று இடிந்தகரை பகுதியில் நாடாகும் அடையாள தொடர் போரில் பெரும் அழுவு மக்கள் பங்கு கொண்டிருக்கும் பொது, அதில்; முன்னணியில் இருப்பவர்களை மட்டும் தனிமை படுத்த முயருள்ளார் எனபது அவரது பேச்சின் முயற்சி.அதற்கு அவர் கைகொண்ட விதம் இப்போது நம்மிடமிருந்து பதிலை தூண்டி விட்டது.அதுதான் இருபத்தைந்து ஆண்டுகாலமாக "சும்மா" இருந்து விட்டு பதின்மூன்று ஆயிரம் கோடிகளை செலவழித்த பிற்பாடு என் எதிர்த்து போராடுகிறீர்கள் என்று கேட்டிருக்கிறார்.அந்த இடத்தில்தான் அய்யா மாட்டிக் கொண்டார். இருபத்தைந்து ஆண்டுகளாக நடந்த போராட்டங்களை நாம் விளக்கபுரப்புடுவோம்.