குட்ரோச்சி மரணம் சோனியா தலை தப்பியது?

     அப்பாடா. அன்னை சோனியாவை இனி யாரும் "போபார்ஸ் பீரங்கி ஊழலை" காட்டி மிரட்ட முடியாது. ஒரே சாட்சியான இத்தாலி மாபியா ஆயுத வணிகர் "கொற்றோச்சியும்" காலி. இனி எந்தப் பய  "சாட்சி" சொல்ல வருவான்? 20014 தேர்தலில் இனி எதிர்கட்சிகள் போபார்ஸ் பற்றி பேச முடியாது. 2ஜி, விண்வெளி ஆராய்ச்சி, நிலக்கரி, காமன்வெல்த் ஆகிய ஊழல்களை சோனியாவின் சி.பி.ஐ. தானே பிடித்தது?. அவை எல்லாவற்றிலும் மன்மோகனுக்குதானே தொடர்பு? இப்படி "தோசையை" புரட்டி  போட சோனியா அணி  தயாராகிறது.

சூரியனும் வேண்டும், அது மேற்கே உதிக்க வேண்டும் ???

     சூரியனை தேர்தல் சின்னமாக கொண்ட தலைவர்தான் இப்படி கூறியுள்ளார் இன்று. இப்படியா கூறுவார்?  அந்த அளவுக்கா அவர் ? இப்படி நீங்கள் கேட்கலாம்  அவர் கூறியது இதுதான் "கூடங்குளம் அணு உலையும் வேண்டும். அது மக்களுக்கு ஆபத்து தராமல் பார்த்துக் கொள்ளவேண்டும்."  இதற்கு பொருள் அதுதானே? என்ன உடன்பிறப்பே?

வன்னியர் பெண்களும் தருமபுரி போராட்டத்தில்....

வன்னியர் பெண்களும் தருமபுரி போராட்டத்தில்....

    நேற்றைய  "நியு இந்தியன் எக்ஸ்ப்ரெஸ் " ஏடு  ஐந்தாவது பக்க செய்தி இது. நாம் மீண்டும், மீண்டும் கூறி வருகிறோம். இளவரசன்-திவ்யா "காதலும்", அதில் திவ்யா தந்தை, திவ்யாவின் கணவர் இளவரசன் ஆகியொரீன் "சாதலும்" "சாதி" பிரச்சனை மட்டுமல்ல. அடியாழத்தில், அது "இளைய தலைமுறையினருக்கு எதிரான போர்" என்பது புரியும். அதுவும் இளம் பெண்களுக்கு எதிரான குறிப்பான போர். அதிலும் "வன்னிய பெண்களுக்கு" எதிரான போர். "நாடக காதல்", "ஜீன்ஸ் காதல்", "கூலிங்க்ளாஸ் காதல்" ஆகியவை ஒரு குறிப்பிட்ட கட்சியை எதிர்த்து என்று கூறப்பட்டாலும், தலித் சமூகத்தை எதிர்த்து என்று புரியப்பட்டாலும், அது " வன்னியப் பெண்களை" இழிவு படுத்தும் "சொல் அம்புகள்" இல்லையா? அதை தொடுத்தவர்களை எதிர்த்து போரில், நிர்கவேண்டியவர்கள் வன்னியப் பெண்கள் இல்லையா?  அதுதான் தொடக்கி உள்ளது. அந்த செய்தியில் சில வன்னியப் பெண்களை நேர்காணல் செய்து எழுதி உள்ளார்கள் 

பூக்கள பறிக்காதீங்க, காதல முறிக்காதீங்க.....

       இளவரசன் மரணம் ஏன் ? உங்கள் சமூகத்தால்  அதன் சாதி திமிறால், உங்கள் சீரழிந்த அரசியலால் அதன் வாக்குகள் பெறுவதற்கு சாதி வெறியை தூண்டும் கேவலத்தால், சொந்த சமூகத்தின்  பெண்களை உங்களது "உடமைகளாக" எண்ணும்  அழுகிப்போன பண்பாட்டால், முற்போக்கு பேசிக் கொண்டு பிற்போக்காக செயல்படலாம் என்று தமிழ் மக்கள் பலரையும் அனுமதித்து, நடமாட விட்டுள்ள, இழிநிலையால், நீதிமன்றம் வந்தாலும் பெண்ணை ஆண்கள் அன்பாகவே மிரட்ட முடியும் என்ற அசிங்கத்தை பொதுமக்கள் கேள்வி கேட்காமல் இருக்கும் முதுகெலும்பு அற்ற சூழலால், நெருக்கடியில் உள்ள தாய்க்கும், மகளுக்கும், கவுன்சிலிங் கொடுக்க வேண்டும் என்று கூட தோன்றாத "நீதிமான்களின்" அளவற்ற அக்கறையால், "நேர்மையான அன்பு " இந்த புழுத்துப் போன புவியில் இல்லாததால், சாதியின் பெயரில் "சண்டியர் தனம் " அனுமதிக்கப்பட்டுள்ளதால், இங்குள்ள இழி பிறவிகளுடன் வாழ "தகுதியற்றவனாக" ஆகிவிட்டதால், ஏற்பட்ட மரணம்தானே? 

       ஒன்று புரிந்து விட்டது. இளைய தலைமுறை மீது,"முதிய தலைமுறையின் சாதி அரசியல்" ஒரு போரை கட்டவிழ்த்து  விட்டுள்ளது.அந்த போரை சந்திக்க இளைய தலைமுறை  தயாராக வேண்டும். அதிலும், இளைய தலைமுறையின் இளம் பெண்கள் முன் நின்று சந்திக்க வேண்டும். உங்களுக்கு முதிய தலைமுறையின் பெண்கள் துணை நிற்பார்கள்  ஏன்  என்றால், அவர்கள் ஏற்கனவே இந்த ஆணாதிக்க சாதிய வெறியர்களை சந்தித்து விட்டு வந்தவர்கள்  இளம் பெண்கள் கைகளில்தான் இந்த உலகம் இருக்கிறது. மாவோ கூறியது போல , "இளைஞர்களே, நீங்கள்தான் உலகை உருவாக்க இருப்பவர்கள்.நாங்களும்தான். ஆனால் இறுதி ஆய்வில் நீங்கள்தான் " நினைவில் வையுங்கள்.  

மனிதாபிமானம் மரண தண்டனையை நீக்கிவிடும்

     இன்று  ஒரு புதிய செய்தி. பழைய செய்திதான் என்றாலும் அது "இரண்டு உயிர்களை "காப்பாற்றியுள்ளது என்பதால் புதிய செய்தி. இந்திய தவுஹித் ஜமாஅத் நடத்திய "ஊடகவியலாளர் கூட்டதில் " அறிவிக்கப்பட்ட செய்தி. குவைத் நாட்டில் நம்மூர் பசங்க இரண்டு பேரை, முத்துபேட்டை சுரேஷ் மற்றும் காளிதாசுக்கு, ஒரு கொலை வழக்கில் மரண தணடனை கொடுக்கப்பட்டிருந்தது. இலங்கையை சேர்ந்த முஸ்லிம் தமிழ் பெண் "சித்திக் மூசா " கொலையை செய்ததாக இலங்கையை சேர்ந்த தமிழ் பெண் "பிரமிளா தேவி" க்கு ஆயுள் தனடனையும், இந்தியாவை சேர்ந்த சுரேஷ் மற்றும் காளிதாசுக்கு மரண தனடனையும் அறிவிக்கப்பட்டது. இதுஇ இஸ்லாமிய சட்டப்படி "கொலைக்கு பதில் கொலை" என்பதாக வர்ணிக்கப்பட்டது. ஆனால் அதே இஸ்லாமிய சட்டத்தில், "பாதிக்கப்பட்ட குடும்பம்" மன்னித்துவிட்டால் "மரண தண்டனை ரத்து" என்பதாகவும் இருக்கிறது. பாதிக்கப்பட்ட குடும்பத்திற்கு, "இரத்த பணம்" என்ற "தஹ்ண்ட பணத்தை" குற்றம் இழைத்தவர்கள் சார்பாக கொடுத்துவிட்டால், அதை பாதிக்கப்பட்ட்ட குடும்பம் ஏற்றுக் கொண்டால்  மன்னிப்பு வழங்கலாம்  என்றும் அதில் இருக்கிறது. இதை இந்திய தவுஹித்  ஜாமாத தலைவர் எஸ்.எம்பாக்கர், இன்று குர்ஆனில் இருந்து படித்து காட்டினார் 

           அதன்படி இந்த மேற்குறிப்பிட்ட கொலையில், குற்றம் சாட்டப்பட்டவர்கள், "பன்னிரண்டு லட்சம்" ரூபாயை, "பாதிக்கப்பட்ட குட்ம்பய்த்திர்க்கு" 2011 ஆம் ஆண்டிலேயே  கட்டியிருக்கிறார்கள்  அதை பற்றிய "ஆவணங்கள்" குவைத்தில் உள்ள இந்திய ஹைகமிசனுக்கு  அனுப்ப[[அட்டும் கூட அவர்கள் அதை குப்பையில் போட்டு விட்டார்கள் என்றும் கூறினார்  இப்போது இருவருக்கும் "தூக்கு" உறுதியான பிறகு, கடைசி நேரத்தில், இந்திய தஹ்வுஹித் ஜமாத்  அமைபபினர், "பிர்தொஸ், இலங்கையில் உள்ள  ஷெராபுதின்" ஆகியோர் பாதிக்கப்பட்ட குடும்பத்தினரை தேடி பிடித்து, அவர்களை கூட்டிவந்து, கொழும்பில் உள்ள  "குவைத்" தூதரகத்தில், பேசவைத்து, முதலில், மரண தண்டனையை தற்காலிகமாக நிறுத்தி வைத்தனர். குவைத்தில் உள்ள இந்திய தவுஹித் ஜமாதின்  பைசல் இந்திய தூதரகத்திற்கு படையெடுத்து, பழைய ஆவணங்களை  தூசு தட்ட வைத்து, கொழும்பில் இருந்த ஷெராபுதின்  இலங்கை அரசத் துறைகளிடம் சண்டை போட்டு, ஆவணங்கள் ட்டிஹயார் செய்து, அவசர, அவசரமாக அனுப்பிவைத்து, மரண தணடனையை இருவருக்கும் "ரத்து" செய்ய வைத்துள்ளனர். இதில் இந்திய தூதரம்தான் "அக்கறையற்று " இந்த இரண்டு உயிர்களையும் "காப்பாற்றாமல்" இருந்தது என்பதே அவர்களது குற்றச்சாட்டு.

              அதை கூறும்போது, பாக்கர் "மூன்று தமிழர் உயிர்கள்" ராஜீவ் கொலையில், தவிப்பதை எடுத்து கூரினார்ட். நளினிக்கு "தூக்கி, ஆயுளாக" குறைப்பதற்கு, பாதிக்கப்பட்ட குடும்பத்தின் சோனியா காந்தி, எழுதிய மன்னிப்பு கடிதத்தில், கொடுத்துள்ள மன்னிப்பை ஏற்று,ஏன் "மூன்று தமிழர் உயிரை" காப்பாற்றாமல் 'கருணை மனுவை" குடியரசு தலைவர்கள் பரிசீளிக்கிரார்கள்? என்று கேட்டார். இச்லமைஒய சட்டத்தில் உள்ள  மனிதாபமணம் கூட, இந்திய அரசிடம் இல்லையே? என்றார். நாகப்பட்டினம் எம்.பி. ஏ.எஸ்.கே.விஜயன்  முயர்ச்சியும் இந்த வழக்கில் தொடர்ந்து இருந்தது என்றும் ஆனாலும் கடைசி நேரத்தில், அந்த "தஹ்னபாப்பணம்" பெற்று, மனிப்பு கொடுத்த சான்றுகளே,   இரண்டு உயிர்களையும் காப்பாற்றியது என்று, சுரேஷின் மனைவி, அனுசுயாவும் அழுதுகொண்டே இன்று கூறினார்.  இதுதான் "முஸ்லிம் தமிழர்களும் முஸ்லிம் அல்லாத தமிழர்களும்" இலங்கையிலும் இந்தியாவிலும் இணைந்து பணியாற்றும் பொது கிடைக்கும் உயிர் பாதுகாப்பு . அதுவே "தமழின" பாதுகாப்பு. இந்த இரண்டு தமிழினமும் இணையவே  முடியாது என்று "மேடை தோறும்" கூறிவரும் "அறிவாளிகளுக்கு" இது ஒரு சாட்டையடி.  , "சிங்களத்திற்கு" மரண அடி 

தோழர் மணிவண்ணன் மரணம் கூறும் பாடங்கள்

       இயக்குனர், திரைக்கலைஞர் மணிவண்ணன் அவர்களது மரணம் நண்பர்கள் பலர் இடையே தொடர்ந்து இரண்டு நாளாக விவாதத்தை கிளப்பியுள்ளது. நேற்று தோழரது மரணம் கேள்விப்பட்டவுடன், பி.யு.சி.எல். கூட்டத்தில் இருந்த நாங்கள் உடனே ஒரு இரங்கலை அங்கேயே பதிவு செய்து விட்டு, மாலையும், கையுமாய், தோழரைக் காண, அவர் வீடு சென்றோம். நேற்று மாலை நல்ல கூட்டம் அங்கே அலைமோதிய நேரம். பேராசிரியர் சரஸ்வதி,[பி.யு.சி.எல். மாநில தலைவர்], மாவட்ட பொருளாளர் பாரதி விஜயன், நான், முகேஷ், எம்.ஜி.ஆர்.டி.வி.ஹமித், கவிஞர் சுமித்ரா[ நாம் தமிழர்] அனைவரும் சென்று மாலை வைத்தோம். இன்று இறுதி ஊர்வலம் சென்று, இடுகாட்டில் தோழரை எரியூட்டும் வரை நின்று, மீனவர் சங்கம் மகேஷ், வழக்கறிஞர் அருள், நான் ஆகியோர் திரும்பினோம். ஆனால் தோழரது நினைவுகள் மீண்டும் மீண்டும் "பகிர்ந்து கொள்ள" வேண்டியது என்று உணர்ந்தோம். அவரது இழப்பு "பொதுவாழ்க்கைக்கு" பெரும் இழப்பு, வேறு ஒருவர் அவரது இடத்தை நிரப்ப முடியாது என்றும், பேசிக் கொண்டோம். எனக்கு தனிப்பட்ட முறையில் பெரும் இழப்பாக உணர்ந்தேன். "தோழர்,தோழர்" என்றுதான் என்னை அழைப்பார்.

           1976 இல் முதன்முறையாக, கோவை சி.ஐ.டீ. பொறியியல் கல்லூர்ரி விடுதியில் சந்தித்தேன். நான் அப்போது, சாருமசும்தார் வழி, நக்சல்பாரி கட்சியின் தலைமறைவு தோழர். அவர் "சாரு எதிர்ப்பு" நக்சல்பாரி கட்சியின் முழு நேர ஊழியர். அதன்பிறகு, 1989இல்  மதுரை வங்கி கொள்ளைக்காக சில தோழர்களை குறிப்பாக பெங்களூரு ஆசிரியர் வீரமணியை, காவல்துறை "சித்திரவதை" செய்வதற்கு எதிரான "உண்மை அறியும் குழு" அனுப்ப, உதவி பெற சென்றோம். அபபோ து அவர் பிரபல இயக்குனர். பழைய கதைகளை பகிர்ந்து கொண்டோம். நீண்டபயணம் சுந்தரம், சுப வீரபாண்டியன்,இன்று மாவோயிச  தலைவர் என்ற குற்றச்சாட்டில் சிறையில் இருக்கும் விவேக், ஆகியோருடன் நான் சென்ற நேரம். பழைய கோவை சந்திப்புகளை பகிர்ந்து கொண்டோம். 

                  இப்போது 2009, மீண்டும் எங்கள் சந்திப்புகளை அதிகப்படுத்தியது. "ஈழம்" அதற்கு காரணமாக இருக்கிறது. நிறைய பகிர்ந்து கொள்ள வாய்ப்பு கிட்டியது. அவரது பணிகளுக்கு எனது உதவியையும் எனகளது முயற்சிகளுக்கு அவரது உதவிகளையும் பகிர்ந்து கொண்ட காலம்  "புலிகளை" ஆதரிக்கும் இந்த காலத்தில், "நீங்கள் முன்பு மறுத்த சாருமசும்தார் வழியான "அழித்தொழிப்பை"  இப்போது ஏற்றுக் கொள்கிறீர்களா?" என்று நான் வினவினேன். முழுமையாக் "ஆம்" என்றார். " இனவிடுதலை போரை" உள் வாங்கிய  ஒரு தோழர், "வர்க்கபோரின்" உயர் கட்டங்களையும் புரிந்து கொண்டு டுதானே ஆகவேண்டும். எனக்கு "தோழர் மறைவு" தனிப்பட்ட இழப்பும் கூட. ---தெ.சி.சு.மணி.

தமிழ் தேசிய போராளி பறம்பை அறிவன் மரணம்

தமிழ் தேசிய போராளி பறம்பை அறிவன் மரணம்
      பரமக்குடியை சேர்ந்தவர் "பறம்பை அறிவன்"> இவர் பெருஞ்சித்திரனாரின் "உலகத் தமிழர் முன்னேற்ற கழகத்தில்" வேகமாக பணியாதிரி வந்தவர். கடைசி காலம் வரை தமிழ் மொழி மீதும், தமிழ் இனம் மீதும் ஆழமான பற்றுடன் அமைதியாக தனது பணிகளை செய்து வந்தவர். நேற்று { 19-05-2013] மதுரையில் இவர் காலமானார். அப்போது அவருக்கு வயது "எழுபத்தி ஏழு"  இன்று காலை பதினோரு மணிக்கு இவரது அடக்கம் நடைபெற்றது.
                    பறம்பை அறிவனது இயற்பெயர் "நளபதி" இவர் பரமக்குடியில் ஆசிரியராக பணியாற்றி வந்தார். உலகத் தமிழர் முன்னேற்ற கழகத்தில் இணைந்து பணியாற்றும் பொது, இவர் உண்மையிலேயே "சாதிகள் தாண்டிய "தமிழின ஒற்றுமையை" நம்பினார். அதை செயலில் செயல்படுத்தி காட்டினார்  1980 இல் ராமநாதபுரம் மாவட்டத்தில் முக்குலத்தொருக்கும், தாழ்த்தப்பட்டோருக்கும் இடையே பெரும் சண்டை வெடித்தது .முக்குலத்தோர் சமூகத்தில் பிறந்திருந்தாலும், தாழ்த்தப்பட்டோரை சகோதரர்களாக பாவித்த  "நள பதி"அவர்களது நியாயங்களுக்காக போராடினார். அகமுடையார் சமூகத்தை சேர்ந்தவர், தேவேந்திர குல வேளாளர் மக்களுக்காக பாடுபடுகிறார் என்பது அந்த பகுதியில் ஒரு பெரிய செய்தியாக  எடுத்து கொள்ளப்பட்டது. தமிழின உணர்வுகளுக்காக மட்டுமின்றி, வர்க்க போராட்டத்திற்காகவும் நள பத்தி வாத்தியார் போராடினார். அதற்காக அவர் நக்சல்பாரி இயக்கத்தில், இந்திய பொதுவுடமை கட்சி[ மா.லெ ]இல் தன்னை இணைத்துக் கொண்டார். அந்த கட்சி அன்று உருவாக்கிய "தாழ்த்தப்பட்டோர் உரிமை சங்கம்" என்ற அமைப்பின் பணிகளிலும் ஈடுபட்டார். அங்கு அப்போது, இன்று மறைந்துவிட்ட சந்கையாதாஸ் தலைமையில் , அந்த சங்கம் செயல்பட்டுவந்தது. அந்த சங்கம் மூலம் தான் இன்றைய  "இமானுவேல் பேரவை" தலைவர் சந்திரபோஸ் அன்று பி.சி.மாறன் என்ற பெயரில், மேடை பேச்சாளராக றிமுகம் ஆனார். அத்தகைய ஒரு சமூகப்பணியை பறம்பை அறிவன் செய்துவந்தார். தலைமறைவு கட்சியின் பணிகளிலும் ஈடுபட்டு வந்தார். 1985 இல் இந்திய படையை  இலங்கைக்கு அனுப்ப பல தமிழின தலைவர்கள் "கோரிக்கை" வைத்த போது  "தேசிய இனங்களை அடக்கும் இந்திய அரசின் படை இலங்கை செல்லக் கூடாது" என்ற  நக்சல்பாரி இயக்கத்தின் கொள்கையை தோழர் நளபதி உயர்த்தி பிடித்தார். அந்த கோரிக்கையை வைத்து  "குமரி முதல் சென்னை வரை " இந்திய மக்கள் முன்னணி நடத்திய  "முற்றுகை போர்" பயணத்தில் விநியோகம் செய்ய "ஈழம் எரிகிறது" என்ற நூலை "சனநாயக மாணவர் முன்னணி" சார்பில்  தலைமறைவு இயக்கத்தினர் தாயரித்த போது, அந்த நூலை  "தொகுத்து கொடுத்தவர்" தோழர் பறம்பை அறிவன். இத்தனை செயல்பாட்டு தன்மைகளையும் கொண்ட தோழர் பறம்பை அறிவன்  கடைசிவரை எளிமையாக ஆடம்பரம் ஏதும் இல்ல்லாமலேயே  வாழ்ந்து வந்தார். அவரது வாழ்க்கை உள்ளபடியே ஒரு "பாடம்".