மின்தடை ஏற்படுத்தியவர்கள் கொள்ளைக்காரர்கள்- ஆதாரம் அம்பலம்.

.
தமிழ்நாடெங்கும் கடந்த ஐந்தாண்டு ஆட்சியில் மின் தடை என்பது ஒரு சாதாரண விசயமாக ஆகிவிட்டது. கிராமங்களில் விவசாயம் செய்ய மோட்டார் போட மின்சாரம் இல்லை. விவசாயத்தை நம்பி பிழைக்கும் மக்கள் படும் பாடு சொல்லி மாளாது. கிராமங்களிலும், சிறு நகரங்களிலும் சிறு தொழில்கள் மின்தடையால் பெரிதும் பாதிக்கப்பட்டுள்ளன. விசைத்தறிகள் ஓடவில்லை. தறித்தொழிலாளி பட்டினி கிடக்கிறான்.பல சிறு தொழில்கள் மின்தட்டுப்பாட்டினால் நசிந்து போய்விட்டன. பெரும் ஆலைகளுக்கு மின்சாரம் கொடுப்பதற்காக இந்த மின்வெட்டு மூலம் சிறு தொழில்களையும்,விவசா
யத்தையும் காவு கொடுத்தது கலைஞர் ஆட்சி என்ற அவப்பெயர் வந்துசேர்ந்தது.


அதற்கெல்லாம் பதில் சொல்கிறார் முதல்வர் கலைஞர் புதிய தொழிற்சாலைகளை தனது ஆட்சி திறந்ததால் , மின்சாரம் தடைப்பட்டது என்கிறார் அத்தகைய புதிய தேவைகளுக்கு மின்சாரம் உற்பத்தி ஏன் செய்துகொள்ளவில்லை என்று கேட்டோமானால், முந்திய அதிமுக ஆட்சியில் மின் உற்பத்திக்கான புதிய ஆலைகளை அமைக்கவில்லை என்று கூறியுள்ளார். ஆனால் உண்மை என்ன என்று நாம் கண்டுபிடிக்கவேண்டியுள்ளது.


இப்போது கிடைத்திருக்கும் விவரங்களில் இருந்து, தனியார் ஆலைகளுக்கு அதிக கட்டணம் கொடுத்து, அதன்மூலம் மின்சாரம் பெற்ற தமிழ்நாடு மின்வாரியம் செய்த பிழைதான் மின்தடைக்கு காரணம் என்று தெரியவந்துள்ளது. அரசு மாநிலத்தின் தேவைகளுக்கு ஒப்ப தனது மின் உற்பத்தியை பெருக்கி கொண்டிருந்தால்
இந்த மின்தடைக்கு வாய்ப்பில்லை. 1999 ஆம் ஆண்டு கருணாநிதியின் ஆட்சியில், தனியார் மின் உற்பத்தி ஆலைகளுக்கு வித்திடப்பட்டது. சென்னை பேசின் பிரிட்ஜில் இருந்த . .அரசு மின் உற்பத்தி ஆலையை தனியாரான ஜி.எம்.ஆர். என்ற நிறுவனத்துக்கு கருணாநிதி அரசு கொடுத்தது.அவர்கள் அன்றிலிருந்தே அடக்க செலவை அதிகமாக காட்டி, அதன்மூலம் மின்சாரத்தை ஒவ்வொரு யுனிட்டிற்கும் மிக அதிகமான விலை வைத்து தமிழ்நாடு மின்வாரியத்திற்கு விற்க தொடங்கினார்கள்.


பேசின் பிரிட்ஜின் ஜி.எம்.ஆர், தர்மபுரியின் சாமல்பட், மதுரை சமயநல்லூர் மின் ஆலை, திருவையாறு அருகே பிள்ளை பெருமாள் நல்லூர் அப்போல்லோ திட்டம் ஆகியவை அதிக விலைக்குமின்சாரத்தைமின்வாரியத்திற்குகொடுத்துவரத்தொடங்கின. அந்த ஆலைகளில் நாப்தா மூலம் மின் உற்பத்தியை மின்வாரியம் துரிதப்படுத்தியது. எப்போதெல்லாம் பெட்ரோலிய விலை கூடுகிறதோ அப்போதெல்லாம் நாப்தா விலை
கூடத்தொடங்கியது. அதை தனியார் ஆலைகள் வாங்கும் விலை பற்றி கணக்கு பார்க்க மின்வாரியத்திற்கு எந்த ஒரு அதிகாரமும் இல்லை. மின்சாரத்தை யூனிட்டிற்கு
மூன்று ரூபாய், மூன்றரை ரூபாய் என்று வாங்கி கொண்டிருந்த மின்வாரியம் இந்த தனியார்களிடம் ஒரு யூனிட் ஏழு ரூபாய்க்கு என்று வாங்க தொடங்கினார்கள்.


மத்திய அரசின் கையில் இருந்த பவர் டிரேடிங் கார்பொரேஷன் தனது பங்குகளை ஐம்பது விழுக்காட்டிற்கு மேல் தனியாருக்கு விற்று விட்டதால், அதுவும் தனியார் இலாபங்களுக்கான ஒரு கார்பரேஷனாக ஆகிவிட்டது. அந்த நிறுவனத்திடம் மின்சாரத்தை வாங்கும் தமிழ்நாடு மின்வாரியமும், ஒரு யூனிட் மின்சாரத்தை ஏழு ரூபாய் கொடுத்து வாங்க தொடங்கியது. இப்போது அந்த நிறுவனம் மூலம் மின் வாரியம் பெறும் மின்சாரத்திற்கு ஐந்து ரூபாய்,எழுபது பைசா கொடுக்கிறது. இந்த அதிக விலை போல, ஜி.எம்.ஆர் நிறுவனத்திடமிருந்து, 600 மெகாவாட் மின்சாரத்திற்கு, நமது மின்வாரியம் யூனிட்டிற்கு
ஒன்பது ரூபாய் கொடுத்து வருகிறது. இதன்விளைவாக இப்போது தமிழ்நாடு மின்வாரியம் 15000 கோடி நட்டம் அடைந்துள்ளது.41000 கோடி கடனில் உள்ளது.


ஏன் இந்த அவல நிலை? முந்திய ஆட்சியை கருணாநிதி குறை சொல்வது உண்மையா? 2002 ஆண்டு அதிமுக ஆட்சியில் த.நா.மின் வாரியமும், என்.டி.பி.சீ [நேஷனல் டிரேடிங் பவர் கார்பரேஷன்].யும் சேர்ந்து வடசென்னை மின்னுற்பத்தி நிலையம் ஒன்றிற்கான ஒப்பந்தம் போட்டார்களே? அதை பின்னால் வந்த கருணாநிதி ஆட்சி ஏன் நிறைவேற்ற வில்லை? அதேபோல 2004 ஆண்டு தூத்துக்குடியில் த .நா.மின் வாரியமும், நெய்வேலி லிக்னைட் கார்பரேஷனும் சேர்ந்து ஒரு மின் உற்பத்தி நிலையம் ஒப்பந்தம் போட்டார்களே, அதையும் கருணாநிதி ஆட்சி ஏன் நிறைவேற்ற வில்லை? இப்போது சென்ற ஆட்சியில் மின் உற்பத்திக்கான திட்டம் போடவில்லை என்று பொய் சொல்லும் கருணாநிதி இதற்கு என்ன பதில் வைத்திருக்கிறார்?


புதிய மின் உற்பத்தி நிலையத்தை உருவாக்கினாலும் மூன்று ஆண்டுகளுக்குள் அது உற்பத்தியை கொடுத்துவிடும். அப்படி தனது ஆட்சியில் ஐந்து ஆண்டுகளாக என் ஏற்படுத்தவில்லை? 2002 ஆண்டு ராமனாதபுரம் அருகே உள்ள வழுதூரில் , 200 மெகா வாட் உற்பத்தி செய்யும் ஒரு இயற்கை வாயு மூலம் மின்சாரம் உற்பத்தி செய்யும் ஆலையை ஒ.என்.ஜி.சீ. மூலம் உருவாகினார்கள் அதை ஏன் கருணாநிதி ஆட்சி வெறும் நூறு மெகாவாட் மின் உற்பத்தியாக குறைத்து உற்பத்தி செய்கிறது? அதேபோல தஞ்சை குத்தாலம் அருகே 100 மெகாவாட் உற்பத்தி செய்யும் வாயு மூலம் மின் உற்பத்தி நிலையத்தை 2005 ஆண்டு ஏற்பாடு செய்தார்களே? அதை ஏன் உற்பத்தியே இல்லாமல் கருணாநிதி ஆட்சி முடக்கி போட்டுள்ளது?




மேற்கண்ட அதிமுக ஆட்சி காலத்தில் தமிழ்நாட்டின் எதிர்கால தேவைகளை கணக்கில் கொண்டு ஏற்பாடு செய்யப்ப்பட்ட மின் உற்பத்தி நிலையங்களை முடக்கி போட்ட கருணாநிதி அதன்மூலம் அடைந்த லாபம் என்ன? மின்சார அமைச்சர் ஆற்காடு வீராசாமியின் உதவியாளர் இளங்கோ, இதற்கெல்லாம் காரணமாக இருக்கிறார். அவர் ஒரு சாதாரண கிளார்க்காக மின் வாரியத்தில் பணியாற்றி வந்தவர். அவர் இப்போது ஆயிரம் கோடிக்கு சொத்து சேர்த்துள்ளார் என்று மின்வாரியத்தில் உள்ள அனைவரும் கூறுகின்றனர். அவர் இப்போது இந்த தேர்தலில் கருணாநிதி நிற்கின்ற திருவாரூருக்கு அருகே, நன்னிலத்தில் திமுக வேட்பாளராக நிற்கிறார. மின்சார அமைச்சருக்கு தேர்தல் வாய்ப்பு கொடுக்காத கருணாநிதி, ஏன் இந்த மின்சார அமைச்சரின் உதவியாளராக இருந்த இளங்கோவிற்கு தேர்தலில் நிற்க வாய்ப்பு கொடுக்க வேண்டும்? அந்த உதவியாளர் இளங்கோ இன்று புதிய சட்டமன்ற வளாகத்திற்கு எதிரே உள்ள பிரியதர்ஷினி விடுதிக்கு சொந்தக்காரர் என்பதும் உண்மையா?


இந்த இளங்கோ தனியார் மின் உற்பத்தி நிலையங்களிலிருந்து அதிக விலைக்கு மின்சாரத்தை வாங்கி தமிழ்நாடு மின் வாரியம் நட்டமடைவதற்கு காரணமாக இருந்தவர். அதனாலேயே நமது மக்களுக்கு போதிய மின்சாரம் கிடைக்கவில்லை. அது மட்டுமின்றி தமிழ்நாடு மின்வாரியமும் பெருத்த நட்டத்தை சந்தித்து கொண்டு இருக்கிறது.ஒரு மாதத்திற்கு 1600 கோடி வருமானம் பெறும் மின் வாரியம், மாதம் 3000 கோடி செலவு செய்து கொண்டு இருக்கிறது.அதில் முக்கிய செலவு மின்சாரத்தை அதிக விலைக்கு தனியாரிடமிருந்து வாங்குவதால் தான். அப்படி வாங்கும் போது இளங்கோ பெற்று வரும் கமிஷன் தொகைக்காக அதில் பெரும பகுதியை முதல்வரின் பங்குக்கு போவதற்காக,தமிழ்நாட்டில் அரசே ஏற்பாடு செய்த மின் உற்பத்தி நிலையங்களையும் கிடப்பில் போட்டுவிட்டு, நட்ட கணக்கு காட்டி வருகிறது கருணாநிதி அரசு

விஜயகாந்திற்கு விளம்பரம் தரும் சன் டிவி,,கலைஞர் டிவி?

விஜயகாந்த் சேர்ந்து விட்டதால், அதிமுக கூட்டணி வெற்றிபெற்றுவிடும் என்ற எண்ணம் திமுகவை பற்றிக் கொண்டுள்ளது. அதன்விளைவாக விஜயகாந்த்தை தரகுறைவாக விமர்சிக்க தொடங்கினார்கள். அடஹ்ர்காக வடிவேலுவை அம்ர்த்திவிட்டார்கள். பாவம். அவரும் இந்த ஆண்டில் வேறு படம் எதுவும் இல்லையே. இந்த தேர்தல் படத்தில் கற்றுக்கொடுத்த வசனத்தையே மீண்டும், மீண்டும் சொல்லுவோம் என்று விஜயகாந்த் விமர்சனத்தை தரக்குறைவாகவே செய்து வருகிரார. அந்த பேச்சுகளையும், அதேபோல விஜயகாந்த் ஒருவரை அடிப்பது போல பதிவான காட்சியையும் திரும்ப, திரும்ப போட்டால் அதன்மூலம் அவருக்கு உள்ள பொதுவான பெயர் கெட்டுப்போகும் என்பது திமுக தலைமையின் எண்ணம்.

ஆனால் நடந்தது என்ன? விஜயகாந்த் ஆதரவு வாக்குகள் யாருமே இதனால் பாதிக்கப்படவில்லை. மாறாக திமுக அதரவு சிந்தனையாளர்களே இதை பெரிதாக எண்ணி பேசிக்கொண்டிருக்கிறார்கள். அதேசமயம் விஜயகாந்த் பிரச்சாரம் செய்வது எல்லா ஊரயுக்கும் போயசெரவில்லை. அப்படி தனது பிரச்சாரம் தமிழ்நாடு முழுவதும் அதிமுக அணிக்கு செய்யப்படுவது பற்றி எடுத்து சொல்ல விஜயகாந்திடம் எந்த ஊடக ஏற்பாடும் இல்லை. பெரிய ஊடகங்கள் திமுக சார்பாக இருப்பதால் விஜயகாந்திற்கு விளம்பரம் யாரும் கொடுப்பதில்லை.ஆனால் இந்த விஜயகாந்த் இழிவுபடுத்தல் ஏற்பாட்டை தி,முக வின் ஊடகங்களான சன் மற்றும் கலிஞர் டிவிக்கள் திரும்ப திரும்ப போடுவதால் அதுவே விஜயகாந்திற்கு விளம்பரமாக போய்விட்டது.

கோடி ரூபாய் செலவழித்தாலும் விஜயகாந்திற்கு இந்த அளவு விளம்பரம் கிடைக்காது. அதை செய்வதில் கலிஞர் தன்னையும் அறியாமல் தவறு செய்துவிட்டார். இப்போது விஜயகாந்த் ஒரு பெரும் சக்தி என்று திமுக வே ஊரெல்லாம் சொல்ல்வதுபோல ஆகிவிட்டது.

அன்னா ஹசாரே பின்னால் மக்கள் திரண்டதால்,........

ஊழலை எதிர்க்கும் அரசியல் ஆட்டத்தை ஊழலை எதிர்க்கும் மக்கள் பங்களிப்புடன் உருவாக்க வேண்டும் என்ற கோரிக்கைக்கு கிடைத்த வெற்றிதான், இன்று மத்திய அரசு இறங்கி வந்து வரைவு நகல் தயாரிப்பு குழுவில் பாதி விழுக்காடு மக்கள் பிரதிநிதிகளை நியமிக்கிறோம் என ஒப்புக்கொண்டது. அது காந்தியவாதி அண்ணாவிற்கு கிடைத்த வெற்றி மட்டுமல்ல அவருக்கு பின்னால் திரண்ட இந்திய மக்களது மாபெரும் வெற்றி. உலக கோப்பையை இந்தியா மட்டைப்பந்து ஆட்டத்தில் பெற்றதைவிட, காமன்வெல்த் விளையாட்டு போட்டியில் களவாண்ட அரசியல்வாதிகாய் கைது செய்வதற்கான ஒரு சட்டத்தை உருவாக்க வாய்ப்பு கிடைத்துள்ளது ஒரு பெரும் வெற்றிதான்.

அன்னா ஹசாரே நல்லவரா? கெட்டவரா? என்று பட்டிமன்றம் நடத்த சென்னையில் ஒரு ஹன்டேயும், மும்பையில் ஒரு சரத் பவரும் முயலலாம். ஆனால் இந்திய மக்களை பொறுத்தவரை நம்மை பொறுத்தவரை அவர் இப்போது எடுத்த கோரிக்கையும், அதை நிறைவேற்ற எடுத்த போராட்ட முறையும் பொதுமக்களை ஈர்த்தது: பல்லாயிரக்கணக்கில்,லட்சக்கணக்கில், பங்கு கொள்ள வைத்தது. போராட வைத்தது. இதே நிலை தொடருமானால் அடுத்து சிறை நிரப்பும் போராட்டம் என்றும், கைதுகளுக்கு அஞ்சவில்லை என்றும் நடுத்தர வர்க்கம் உட்பட அறிவித்து ஆனாவுடன் நின்றது ஆள்வோரை ஆட்டிவிட்டது.


நமது சென்னையில் கூட காந்தி சிலை அருகே இரவிலும் நூற்றுக்கணக்கில் கூடிய நடுத்தரவர்க்கத்தார் காவல் துறை கைது செய்வோம் ன்று பயமுறுத்திய போது, பயப்படாமல் கைதாக தயார் என்று கூறியதே அதுதான் ஒரு மக்கள் புரட்சிக்கான சூழல் கணிந்து உள்ளது என்பதை காட்டியது. அதுதான் ஆள்வோரை அஞ்ச வைத்து அடிபணிய செய்துள்ளது. எத்தனை நாள்தான் லிபியாவிலும், மத்திய கிழக்கு நாடுகளிலும் மக்கள் எழுச்சியை பார்த்துக்கொண்டு சும்மா இருப்பது என்று நமது நடுத்தர வர்க்கம் எண்ணிவிட்டது போலும்.

மக்கள் சார்புடன், மக்கள் பங்களிப்புடன் ஒரு சட்டத்தை எழுதுவது என்பது சொல்வதற்கு எளிது. ஆனால் இன்றுதான் அதற்கு ஆள்வோறது அனுமதி கிடைத்துள்ளது. உச்சகட்ட ஊழலை இந்திய ஆள்வோர் செய்த பிறப்பது அதைகண்டு மக்கள் கோபம் கொண்டு கொத்தித்த பிற்பாடு இது நடந்துள்ளது. அவர்கள்தான் ஜெயபிரகாஷ் நாராயணனின் முழு புரட்சியின் வேகத்தை பார்த்தவர்கள் ஆயிற்றே?
அதனால் சாதுர்யமாக ஒரு மக்கள் புரட்சியை தவிர்த்திருக்கிறார்கள் என்றே தெரிகிறது.

மீண்டும் தேசிய முன்னணி உருவாகிறதா?

கோவையில் அம்மையார் செல்வி.ஜெயலலிதா எதோ கருணாநிதி அரசை தூகிஎரிய சூளுரை விடுத்தார் என்று மட்டும் பார்க்கமுடியவில்லையே? அதற்காக எல்லா கட்சிகளையும் கொண்ட ஒரு மெகா கூட்டணியை அமைத்தார் என்று மட்டுமே சிந்திக்க முடியவில்லையே? தமிழ்நாட்டில் ஆட்சி மாட்ட்ரத்தை மாட்டுமே மனதில் வைத்து தேர்தலை சந்திக்கிறார் என்று எண்ணிப் பார்க்கமுடியவில்லையே? ஊழல் செய்கிறார் கருணாநிதி என்று மட்டுமே கொப்பப்படுவதாக தெரியவில்லையே? கருணாநிதியின் குடும்ப ஆட்சிக்கு முடிவு கட்டத்தான் கொதித்தேழுந்துள்ளார் என்று எண்ணிப் பார்க்க முடியவில்லையே?

அதற்கு பதில் அல்லது அதையும் விட கூடுதலாக தமிழ்நாட்டை வீட்டு வெளியே பார்க்கும் பார்வையும் அல்லவா தெரிகிறது? எதோ இடதுசாரி கட்சிகளின் அகில இந்திய தலைவர்கள் கலந்து கொண்டதால் மட்டுமே இப்படி கூறுகிறேனா? இடதுசாரிகள்தான் அவரது கூட்டணியின் அங்கமாயிற்றே? அதில் சிபியின் தா.பாண்டியன் தவிர, டி.ராஜா தவிர, தமிழர் அல்லாத ஏ.பி.பரதனும், சி.பி.எம்.இன் ஜி.ராமகிருஷ்ணன் தவிர அகில இந்திய செயலாளர் பிரகாஷ் கரந்தும் கலந்து கொண்டதை வைத்து மட்டும் சொல்ல முடியுமா? அவர்கள் இருவருக்கும் கேரளாவில் இதே நேரம் சட்டமன்ற தேர்தல் நடப்பதால் இந்த வட்டாரத்தில்தான் சுற்ற வேண்டும் என்பதால் கோவை கூட்டத்திற்கு வந்திருக்கலாம் என்று சமாதானம் சொல்லிவிடலாம்.

அது நமது கலைஞருக்கும் பெரும் தலைவலியாக தோன்றாது. ஆனால் ஏன் கோவை அதிமுக கூட்டணி கட்சிகளின் கூட்டத்திற்கு தெலுங்கு தேச கட்சியின் தலைவர் சந்திரபாபு நாயுடு வந்தார். கோவையில் கொங்கு வேளாளர் வாக்குகளை அதிமுக அதிகமாக பெற்றாலும், ஒரு கொங்கு முன்னேற்ற கழகத்தை கலைஞர் வளைத்து போட்டிருப்பதால், என்னதான் கொங்கு இளைஞர் கழகத்தை அம்மா வளைத்து போட்டாலும் அந்த சமூக வாக்குகள் பிரிந்து எதிர்ப்புறம் போய்விடுமோ என்ற அச்சத்தில்தான், கொங்கு வாக்குகளுடன் நாயுடுக்கள் வாக்குகளும் வேண்டும் என்பதற்காக என்னதான் விஜயகாந்த் தன பக்கம் இருந்தாலும், வைகோ எத்ரிப்புரம் போய்விட்டாரே என்ற காரணத்திற்க்காக, சந்திரபாபு நாயுடு மூலம் அந்த தெலுங்கு வாக்குகளை பெறத்தான் செய்துள்ளார் என்று ஜெயலலிதாவின் தந்திரத்தை சுருக்கி பார்க்க முடியுமா?

இப்படி சுருக்கி தமிழ்நாட்டளவில் ஜெயலலிதாவின் சூத்திரத்தை பார்ப்பது ஒரு வகை பார்வை.அந்த பார்வைப்படி செல்வி.ஜெயலலிதா இந்த கோவை கூட்டத்தை வெறும் தமிழ்நாட்டு வெற்றிக்காக மட்டுமே நடத்தினார் என்றால், தேர்தலுக்கு பிறகு கிடைக்கும் தொகுதி எண்ணிக்கையை கணக்கில் வைத்து காங்கிரசுடன் கூட்டணி வைத்துக்கொள்வார் என்றே நினைக்க தோன்றும். இத்தகைய ஒரு கணக்கு எங்கும் இந்திய லவில்கூட பரப்பப்படுகிறது. ஆனால் உண்மையில் கோவை கூட்டம் இத்தகைய கணக்கிற்கு ஒரு முற்றுப் புள்ளி வைத்துவிட்டது.

கோவை கூட்டத்தில் பிரகாஷ் கரத் பேசும்போது, இது தமிழ்நாட்டிற்கு மட்டும் எதிர்பார்க்கும் தேர்தல் முடிவு அல்ல என்றும் அகில இந்திய ளவில் தாக்கத்தை ஏற்படுத்தக்கூடியது என்றும் பேசியதிலிருந்து மட்டும் நம் சிந்திக்கவில்லை. ஏன் என்றால் பிரகாஷ் கரத் இந்த கருத்தை ஒரு வாரமாகவே கூறிவருகிறார். அந்த கூட்டத்தில் கலந்து கொண்டு கருணாநிதி குடும்ப ஆட்சிக்கு முற்றுப் புள்ளி வைக்க சந்திரபாபு நாயுடு பேசியது உண்மையில் யாரை எட்டவில்லை என்றாலும் அறிவாலயத்தின் தலைவருக்கு அத்ர்ச்சியாகவே இருக்கும். ஏன் என்றால் கருணாநிதிக்கும் சந்திரபாபு நாயுடுவுக்கும் எந்த ஒரு முரண்பாடும் இருப்பதாக இதுவரை தெரியவில்லை.

அப்படியானால் ஏன் அவர் அப்படி பேசவேண்டும்? திமுக காங்கிரசுடன் சேர்ந்து இருப்பதால் மட்டுமே எதிர் குரலாக அபப்டி பேசினார் என எடுத்துக் கொள்ளலாமா? ள்ளது அதற்கும் மேலே ஏதாவது அரசியல் இதில் இருக்கிறதா? சந்திரபாபு நாயுடுவிற்கு ஆகாத கட்சி, எதிரான கட்சி, காங்கிரஸ் கட்சிதான். அதனால் சந்திரபாபு நாயுடு வந்தது, கலந்து கொண்டது, பேசியது எல்லாமே காங்கிரஸ் எதிர்ப்பை அடிப்படையாக கொண்டதுதான். பக்கத்து ஆந்திராவில் காங்கிரஸ் எத்ரிப்பில் மட்டும்தான் நாயுடு நிற்கிறார்.ஆகவே இங்கே கோவையில் நடந்த அதிமுக கூட்டணி கூட்டம் அல்லது தமிழ்நாட்டு டேஹ்ர்தல் கூட்டணி வியூகம் காங்கிரஸ் எத்ரிப்பு நோக்கத்தை அடிப்படையாக கொண்டதாக இருக்கிறது.

அதற்கு இங்குள்ள தேர்தலில் திமுக எதிர்ப்புதான் பேசவேண்டும். எப்போது சோனியா வருவது உறுதியானதோ, எப்போது கருணாநிதி எதிர்ப்பு என்று எல்லோரும் நம்பிய ராகுல் வருவது உறுதியானதோ, அதற்கு பிறகுதான் இந்த கோவை கூட்டமும் ஏற்பாடு செய்யப்பட்டுள்ளது. தனால்தான் கடைசிநேரத்தில் அதிக கால அவகாசம் இல்லாமலேயே ஏற்பாடு செய்யப்பட்டிருந்தாலும் கோவை கோட்டத்திற்கு வந்த தலிவர்களுக்கு நன்றி என்று ஜெயலலிதா அங்கெ பேசினார். சோனியாவும், ராகுலும் கருணாநிதியின் தேர்தல் பயணத்தில் கலந்து கொள்ள மாட்டார்கள் என்று எல்லோரும் சொல்லிவரும்போது அப்படி நடந்தாலும் லாபம்தான் என்று எண்ணியிருந்த ஜெயலலிதா, அவர்கள் இருவரும் வருவது உறுதியானவுடன் அவசர,அவசரமாக கோவையில் கூட்டணிகட்சி தலிவர்களின் கூட்டம் என்று அறிவித்தார். அதை பயன்படுத்தி ஒரு அகில இந்திய காங்கிரஸ் எதிர்ப்பு முன்னணியை கட்டுவதற்கான முஸ்தீபை தொடங்கி வைத்துள்ளார்.

இப்போது இந்த காங்கிரஸ் எதிர்ப்பு முன்னணியில் இடது சாரிகளும் இருப்பதால், அது ஒரு பிஜேபி எதிர்ப்பு முன்னணியாகவும் ஆகிவிட்டது. அதாவது காங்கிரசும் வேண்டாம், பிஜேபியும் வேண்டாம் என்ற அகில இந்திய அளவிலான முன்னணிக்கு விதை போட்டு விட்டது. அத்தகைய முன்னணி நிச்சயமாக இடதுசாரிகளையும், முஸ்லிம்களையும், கிருத்துவர்களையும் தன்னகத்தே இழுத்து கொள்ளும் என்பதில் சந்தேகம் இல்லை. இப்படி ஒரு முன்னநிதானே விபிசிங்கால் தொடங்கப்பட்டது? அதற்கு பெயர் தேசிய முன்னணிதானே? அந்த முன்னணியை தொடங்கியது சென்னையில்தானே? அதற்கு கலைஞர்தானே அடிக்கல் நாட்டினார்? அந்த முன்னணி காங்கிரசை இந்தியாவிலிருந்து விரட்ட ஏற்பட்டதுதானே? அந்த காங்கிரசுடன் இப்போது கலைஞர் பிரிக்க முடியாத ஸ்பெக்ட்ரம் உறவுடன் கலந்து விட்டாரே?

அதனால்தான் அம்மையார் அந்த அரசியல் தந்திரத்தை கையில் எடுத்து விட்டாரா? காங்கிரஸ் கட்சி இன்று அகில இந்திய அளவில் காமன்வெல்த் விளையாட்டு ஊழல், கார்கில் வீரர்களுக்கு வீடு கட்டும் ஆதர்ஷ் ஊழல், ஐ.எஸ்.ஆர்.ஒ. ஊழல் என்று சஈக்யதொடு மட்டுமின்றி, திமுக என்ற பங்காளி மூலம் ஸ்பெக்ட்ரம் ஊழலிலும் சிக்கியுள்ளது என்பதால் நாடு தழுவிய ஒரு பெரும் எதிர்ப்பை சந்தித்து வருகிறது. அந்த எதிர்ப்பை பயன்படுத்தி மாற்று ஒன்றை ஏற்படுத்த வலு இல்லாத நிலையில்தான் பிஜேபி.யும் இருக்கிறது. அதனால் ஒரு சரியான மாற்று இந்திய நாட்டிற்கு தேவைப்படுகிறது.

அத்தகைய சூழலில்தான் இந்த புதிய முயற்சி செய்யப்படுகிறது. நீங்கள் அந்த ம்மையாரின் செயலுக்கு தேவையில்லாமல் வக்காலத்து வாங்க பார்கிறீர்கள் என்றும் சிலர் நம்மை கேலி செய்யலாம். அவர்கள் வரலாற்றை மறந்தவர்கள் என்றுதான் சொல்லவேண்டும். ஏன் என்றால் சல்வி.ஜெயலலிதா கடந்த மூன்று ஆண்டுகளாக ஒரு முயற்ச்சியை செய்துவருகிறார்.அதுதான் அவர் அவ்வப்போது, சந்திரபாபு நாயுடு கட்சி தலைவர்களுடனும், சரத் யாதவ் போன்ற ஐக்கிய ஜனதா தலைவர்களுடனும், அஜித்சிங் போன்ற தலிவர்களுடனும் நடத்திவரும் பேச்சுவார்த்தைகள். அதாவது இந்த தலிவர்கள் போயஸ் தோட்டம் வந்திருந்து பேசினார்கள் என்பது முக்கியமான செய்தி.

ஆகவே இந்த மீண்டும் ஒரு தேசிய முன்னணி என்பது பகிரங்கமாக அறிவிக்கப்படாமல் இருக்கலாம். ஆனால் அதை நுகர்ந்து கொள்ளும் சிறுபான்மை சமூகமும், இடது சாரி சிதனைகளும், மதச்ச்கார்பற்ற சக்திகளும், ஜெயலலிதா அம்மையார் அணிக்கு வாக்களிக்க முன்வருவார்கள். அதுவே இன்றைய ஊழல் எதிர்ப்பு அலைவரிசையில் முதலிடம் பிடிக்கும் என்றும் தெரிகிறது.

கலெக்டர் சஹாயத்தின் ஓட்டுனர் படுகொலை-எரிப்பு

சஹாயம் தொடர்ந்து நேர்மையாக செயல்படுகிறார். மேலூரில் ரகசியமாக கோவிலுக்குள் நுழைந்து அங்கேயே பணப்பாட்டுவாடா செய்தால் அதையும் பிடித்துவிடுகிறார். அங்கே முறைட்ட ஆர்.டி.ஒ. சுகுமாரனை வைத்து வழக்கு போடச்சொகிறார். தவறு செய்தால் வழக்கு போடுவது என்பது தேர்தல் ஆணைய சட்டமாக இருக்கலாம். ஆனால் மதுரையின் எழுதப்படாத சட்டம் என்ன என்று தெரிய வேண்டாமா? சுகுமாரனை வைத்தே திருப்பி அடிக்க செய்தோம். இப்படித்தான் அந்த மதுரை கூட்டம் சிந்திக்க முடியும். அடுத்து வட்டாட்சியர் காளிதாஸ் முதலில் குற்றச்சாட்டை கூறினார். தான் தாக்கப்பட்டதாக கூறினார். தாக்கியவர்கள் அழகிரி ஆட்கள் என்று ஊடகங்களிடம் முதலில் கூறியவர் கால்தாஸ். இப்போது தனக்கும், அழகிரிக்கும் எந்த மோதலும் இல்லை என்கிறார். அந்த அளவுக்கு அந்த காளிதாஸ் பயமுறுத்தப்பட்டுள்ளார் என்பது தெரிகிறது.

இப்போது சஹாயம் மதுரையில் இருபது லட்சத்தை திமுக பணப்பட்டுவாடா செய்யும்போது பிடித்து இருபத்திநாலு மணி நேரம் ஆகவில்லை. பணம் எடுத்து சென்றவர்கள் பற்றி விசாரணை நடைபெறுகிறது என்று வேறு சஹாயம் ஊடகங்களிடம் கூறியுள்ளார். அதனால் ஆத்திரம் வராதா வன்முறை கூட்டத்திற்கு? இப்போது சஹாயத்தின் வீட்டில் ஆயுத பாதுகாப்பு இல்லாத ஒரே ஆள் ஓட்டுனர்தான் என்று அடையாளம் கண்டு கொண்டார்களா? அவர் வெளியே தனித்து வரும்போது அதனாலேயே தாகப்பட்டுள்ளாரா? அவரது உடல் அதனால் தான் பாதி எரிக்கப்பட்ட நிலையில் கண்டுபிடிக்கப்பட்டுள்ளதா? இது பகிரங்கமாக கலெக்டரை மற்றும் நேர்மையான அதிகாரிகளை மிரட்டுவதற்கா?

திமுக வழங்கிய அன்பளிப்பு, தீர்வாகுமா?.

நேற்று அதாவது ஏப்ரல் இரண்டாம் நாள் இரவு பத்தரை மணிக்கு, திருவண்ணாமலை மாவட்டத்தில் திருவண்ணாமலை சட்டமன்ற தொகுதியில் திமுக வேட்பாளராக நிற்கும் அமைச்சர் தண்டராம்பெட்டை வேலு தனது ஆதரவாளர்கள் மூலம் தெர்தேருவில் வீடு வீடாக ஒவ்வொரு வாக்காளர்களுக்கும் அன்பளிப்பாக ஐநூறு ரூபாயை வழங்கியிருக்கிறார். இந்த பணபட்டுவாட எதிர்பார்த்த இரண்டாயிரம் அல்லது ஐந்தாயிரம் ரூபாய் காசை எட்டவில்லை என்பதால், இது வாக்குக்கு காசு கொடுக்கும் விதி மீறல் என்ற தவறில் சேருமா அல்லது சேராதா என்ற குழப்பம் வாக்காளர்கள் மத்தியில் உள்ளது. இது போன்ற வழங்கப்பட்ட அன்பளிப்புகளுக்கு தேர்தல் ஆணையம் என்ன பரிகாரம் செய்யும் என்பதும் நமக்கு விளங்கவில்லை.

இதற்கிடையே தேர்தல் ஆணையம் எடுத்துவரும் சட்டபூர்வமான நடவடிக்கைகளை ஆதரிக்கும் போக்கு அறிவுஜீவிகளிடமும், பி.யு.சீ.எல். போன்ற மனித உரிமை அமைப்புகளிடமும் இருப்பதால் மெல்ல, மெல்ல அத்தகைய ஆதரவும் டேஹ்ர்தல் ஆணையத்தை வலுப்படுத்திவிடுமா என்ற அச்சம் ஆளும் தரப்பில் இருப்பது தெரிகிறது. ஆனால் வருகிற ஏப்ரல் ஐந்தாம் நாள் சென்னைக்கு சோனியா காந்தி வருகை புரிந்து ஒரே மேடையில் கலைஞருடன் பேச இருப்பதால் அதற்கு பிறகு தேர்தல் ஆணையத்தின் கெடுபிடிகள் திமுக மீது இப்போது இருப்பது போல இருக்காது என்ற எதிர்பார்ப்பில் திமுக தொண்டர்கள் இருக்கிறார்கள்.

ஆனால் தேர்தல் ஆணையத்தின் கெடுபிடியை காங்கிரஸ் கட்சி வேண்டும் என்றேதான் அனுமதித்துள்ளது என்றும் அதன்மூலம் திமுக கூட்டணி தோல்வியை தழுவுவதை காங்கிரஸ் தலைமை விரும்புகிறது என்றும் டில்லியின் தகவல்கள் கூறுகின்றன.தமிழ்நாட்டு அரசு கையில் இருப்பதால்தான் திமுக தலைமை காங்கிரசை மத்தியில் மிரட்ட முடிகிறது என்றும், அதனால் தமிழ்நாட்டில் ஆட்சியை இழந்த திமுக பெட்டிப்பாம்பாக மத்திய ஆட்சிக்கு ஆதரவை கொடுத்துக்கொண்டு சும்மா இருக்கும் என்றும் அந்த டில்லி தகவல்கள் கூறுகின்றன. அதனால் க்ளன்கிராஸ் தலைமை சிபியை. வழக்கை ராஜா மீது குற்றப்பத்திரிகையுடன் போட்டதுபோல, இரண்டாவது குற்றப்பத்திரிகையில் தயாளு, கனிமொழி ஆகியோரையும் அடக்கி போட எத்தனிக்கிறது என்றும் அந்த தகவல்கள் கூறுகின்றன.இதை திமுக தலைமை எப்படி முறியடிக்க போகிறது?

தேத்தல் அதிகாரிக்கு மக்கள் அமைப்புகள் ஆதரவு.

மாவட்ட ஆட்சித் தலைவர்கள் அந்தந்த மாவட்டங்களின் தேர்தல் அதிகாரிகளாக இருப்பார்கள். அந்த வகையில் சகாயம் என்ற நேர்மையான அதிகாரி மதுரை மாவட்டத்தின் தேர்தல் அதிகாரியாக உள்ளார். அவர் தேர்தல் ஆணையம் மேலிருந்து கூறியுள்ள அனைத்து விதிகளையும் பின்பற்ற வேண்டும் என்று கண்டிப்பாக இருக்கிறார். அதாவது மதுரை என்பதால் அங்குள்ள குருநிலமன்னருக்கும், அவரைத் தொண்டரடிப்பொடி அடியாட்களுக்கும் பயப்படாமல் செயல்பட்டு வருகிறார்.

மதுரையில் தொடர்ந்து சக்கரவர்த்தி முதல்வர் குடும்பத்தின் மூத்த அரசர் சொல்படி நடக்கும் அராஜகங்களை கண்டு மனம் நொந்து இருக்கின்ற அமைப்புகளும், அறிவு ஜீயகளும் ஒரு பதினைந்து அமைப்புகள் இணைந்து இன்று காலை பி.யு.சீ.எல். என்ற மக்கள் சிவில் உரிமை கழகம் என்ற அகில இந்திய பிரபல மனித உரிமை அமைப்பின் முக்கிய பங்குடன் ஒரு முடிவு செய்துள்ளார்கள். தங்கள் மதுரைக்கு ஒரு நல்ல, நேர்மையான அதிகாரி இப்போதுதான் மாவட்ட ஆட்சியராக கிடைத்துள்ளார். அவரை நீக்க, அவரை இழிவு படுத்த ஆளும் கூட்டம் எடுக்கும் முயற்சிகளை எத்ரித்து தேர்தலை பயம் இன்றி நடத்த இதுபோன்ற நல்ல, நேர்மையான அதிகாரிகளை ஆடஹ்ரிக்க வேண்டும் என்று முடிவு செய்துள்ளனர்.பியுசியல் மாவட்ட தலைவர் பேராசிரியர் முரளி இதை தெரிவிக்கிறார்.