கோத்தபாயேவை சந்திக்க நிரூபமாராவும், சீவசங்கர்மேணனும் ஏன் போகணும்?

வருகிற மே 13 ஆம் நாள், .கொழும்பு சென்று, இந்திய அரசின் வெளிவிவகார துறையின் செயலாளர் நிரூபமா ராவ், மற்றும் " தேசிய ஆலோசனை குழு" தலைவர் சிவசங்கர் மேனன் ஆகியோர் சந்திக்க இருக்கிறார்கள். இந்த திடீர் சந்திப்பு ஏன்?.யார் இந்த கோத்தபாயே? இலங்கையில் 2009 ஆம் ஆண்டு மே மாதத்தில் நடந்த, நான்காவது வாணி போரில், " பெரும் போர் குடர்ந்கள்" நடந்ததாக இன்று ஐ.நா. நிபுணர் குழு வெளியிட்டதால் ஒரு பர,பரப்பு உலக சமூகம் மத்தியல் கிளம்பியுள்ளது. அந்த "போர்குற்றங்களை" இழைத்தது என்று, இலங்கை அரசத்தலைவர் மஹிந்த ராஜபக்சே குற்றம் சாட்டப்பட்டாலும், களத்தில் நடந்த அனைத்து சிங்கள ராணுவ, "தமிழின அழிப்பு" மோசடிகளுக்கும் நேரடி பொறுப்பாக இருப்பவர், இலங்கையின் பாதுகாப்பு செயலாளரான " கோத்தபாயே ராஜேபக்சே" என்ற மஹிந்த ராஜபக்சேவின் அன்பு தம்பிதான்.

இந்த கொடிய மனிதனை ஐ.ந. சபையின் பாதுகாப்பு கவுன்சிலில் இலங்கை "போர்குற்ற அறிக்கை" பற்றிய விவாதம் வருவதற்கு முன்னால், எதற்காக இந்திய அரசின் முக்கிய முடிவுகளை எடுக்கும், மற்றும் முக்கிய முடிவுகளை அரங்கேற்றும் இரண்டு முக்கிய அதிகாரிகள் கோத்தபாயேவை சந்திக்க வேண்டும்? நிரூபமா ராவ் இந்திய வெளிவிவகார செயலாளர். அவர் இந்த நேரத்தில் இலங்கை அரசை அனைத்து நாட்டு சமூகத்திலிருந்து காப்பாற்ற ஆலோசனை கொடுக்க போகிறாரா? என்ற கேள்வி எழுகிறது. அதையும் தாண்டி, "சிவசங்கர் மேனன்" இந்த ஈழத்தமிழர் இன அழிப்பு போரில் ஒரு முக்கிய பங்காளி. அந்த முக்கிய போர்குற்ற பங்காளி இப்போது அங்கே சென்று, இந்திய அரசின் "போர்குற்ற பங்கை" மறைக்கவோ, இலங்கை அரசின் போர்குற்றங்களை திசை திருப்பி விடவோ ஏதாவது சதி திட்டங்களை ஆலோசிப்பதற்கு செல்கிறாரா என்ற கேள்வி தமிழர்கள் மத்தியில் எழுந்துள்ளது.


அதற்கு அவர்கள் தேர்ந்துடுதுள்ள நாள் மே 13 . இது மேலும் சந்தேகத்தை வலுப்படுத்துகிறது. அதாவது ஈழத்தமிழர் மீதான இன அழிப்பு நடவடிக்கைகளில், இந்தியாவில் உள்ள தமிழ்நாட்டில்தான் ஈழரை கோடி தமிழர்கள் இருக்கிறார்கள் என்றும், அவர்கள் கொந்தளித்தால் இந்திய அரசு "தமிழின அழிப்பை" வெற்றிகரமாக செயல்படுத்த முடியாது என்றும், ஏற்கனவே இந்திய உளவு துறைகள் மத்திய அரசுக்கு தெளிவுபடுத்தி இருந்தன. அதை ஒட்டி, மத்திய அரசும் தமிழ்நாட்டு ஆள்வோருக்கு முக்கியத்துவம் தந்து, அவர்கள் மூலம் அனைத்து ராஜபக்சே ஆதரவு பணிகளையும் செய்து, இன அழிப்பு போரை ஒரு கட்டம் சாதித்துவிட்டது. . அதில் நேரடியாக ராஜபக்சேவும், தமிழக முதல்வர் களிஞருக்கு கடிதம் எழுத, அதை அடிப்படையாக வைத்து கலைஞரும், பத்து நாடாளுமன்ற உறுப்பினர்களை அனுப்பி வைக்க என்ற கதைகள் அரங்கேறியது. ராஜபக்சே இந்திய நாடாளுமன்ற உறுப்பினர்களை அனுப்ப சொல்லி, இந்திய தலைமை மைச்சர் மன்மோகனுக்கு கடிதம் அனுப்பவில்லை. மாறாக தமிழக முதல்வருக்கே கடிதம் அனுப்பினார். அது வெற்றியும் பெற்றது. காங்கிரஸ் கட்சியின் நாடாளுமன்ற உறப்பினர்கள் உட்பட கலைஞரின் கட்டுப்பாட்டில், வழிகாட்டலில் இலங்கை சென்று வந்ததும் முதல் அறிககையை கலைஞரிடம் காட்டிவிட்டே டில்லி சென்றதும் நடந்த கதை.


அந்த அளவுக்கு தமிழ் பேசி,பேசியே வளர்ந்த ஒரு இயக்க தலிவரையே கைக்குள் போட்டு தனது சதிகளை நடத்திட ராஜபக்சேவிற்கு ஆலோசனை வழங்கியவர்களும் இதே டில்லி அதிகாரிகள்தான்.இப்போது பதின்மூன்றாம் நாள் அவர்களுக்கு ஏன் இந்த அவசரம்? அன்று தமிழ்நாடு சட்டப்பேரவை தேர்தல் முடிவுகள் வெளிவரும் நாள். டில்லிக்கு ஒரு பெரும் சந்தேகம். தமிழ்நாடு சட்டப்பேரவைக்கு, திமுக கூட்டணி வெற்றிபெற்று வராமல், அதிமுக கூட்டணி வெற்றிபெற்று வந்துவிட்டால், இலங்கை பிரச்சனையை எப்படி சமாளிப்பது? ஏற்கனவே அதிமுக தலைவி செல்வி.ஜெயலலிதா தனது அறிக்கைகளில் தெளிவாக ஐ.நா. அறிக்கை பற்றி குறிப்பிட்டுள்ளார். டில்லி அரசுக்கு சில கோரிக்கைகளை முன்வைத்துள்ளார். அதில் போர்க்குற்றவாளி ராஜபக்சே மற்றும் பொறுப்பாளர்களை, " அனைத்து நாட்டு விசாரணைக்கு உட்படுத்த" மத்திய அரசு முயற்சிக்க வேண்டும் என்று கூறியுள்ளார். அதற்காக தேவைப் பட்டால் " இலங்கை அரசின் மீது பொருளாதார தடையை" அறிவிக்கலாம் என்றும் ஆலோசனை கூறியுள்ளார். இதை மத்திய அரசு கவனமாக் கவனித்துள்ளது.


அதன்விளைவாக தேர்தல் முடிவு வெளியாகும்போது, தங்களை கேள்வி கேட்கும் அரசு தமிழ்நாட்டில் அமையும்போது, எப்படி நடந்து கொள்ள வேண்டும் என்று அறிவுறுத்த இந்த இலங்கை பயணத்தை இந்திய முக்கிய அதிகாரிகள் மேற்கொள்வதாக தெரிகிறது. தமிழ்மக்கள் என்ன செய்யப்போகிறோம்? .

நாடு கடந்த தமிழீழ அரசு தோழமை மையம் கூடியது.

வழக்கம் போல, பேராசிரியர் சரஸ்வதி வீட்டில், மாலையில் சனிகிழமை "நாடு கடந்த தமிழீழஅரசு தோழமை மையம்" கூடியது. நடத்திய பேரணி பற்றிய " நிறை-குறை" பற்றிய ஆய்வு நடத்தியது. திட்டமஈட்ட காலத்திலிருந்து, துண்டறிக்கை வெளியிட்டது, அனுமதி பெற்றது, அணி திரட்டியது, எழுத்து பலகைகள் தயாரித்தது, சுவரொட்டி ஒட்டியது, கொலை செய்யப்ப்பட்ட மீனவர்களின் படங்கள் தயாரித்து அட்டைகளாக்கியது, துணி பதாகை தயாரித்தது, முழக்கங்கள் தயாரித்தது, எழுப்பியது, பேரணி நடத்தியது, ஊடகங்களை அழைத்தது, தமிழ் காட்சி ஊடகங்களில் அனைத்தும் ஒளிபரப்பியது, நியூ இந்தியன் எச்ப்றேஸ் தவிர எந்த ஒரு தமிழ், ஆங்கில அச்சு ஊடகங்களும் வெளியிடாதது, அதற்கான தடுப்பு சக்திகளை அடையாளம் கண்டது, அதையொட்டி அனைத்து ஊடக தலைமைகளையும் சந்திக்க திட்டமிடுவது, இணைய தள ஊடகங்களில் பல வகைகளில் சித்திகளையும், படங்களையும், அவரவர் வெளியிட்டது, போன்ற பல செய்திகளும் பரிமாறப்பட்டது.

கூட்டத்தில் பேராசிரியர் சரஸ்வதி, டாக்டர் பானுமதிபாச்கர், வழக்கறிஞர் பாண்டிமாதேவி, மணிமேகலை,பெதிக-தவசி, தமிழர் உலகம் காஞ்சி தமிழினியன், ச்வ்ரி, மீனவர் முற்போக்கு சங்க மா.கி, இந்திய மீனவர் சங்க தயாளன், தட்சிணா, அகில இந்திய பாரம்பரிய மீனவர் சங்க ரூபேஷ், தமிழ்நாடு மீனவர் முன்னேற்ற சங்க கோபலகிருஷ்ணன், திரைப்பட கலைஞர் சாத்தப்பன்,இந்திய தவ்ஹித் ஜமாத் மொய்தீன், த.தே.வி.இய. தோழர்கள்,ஊடகவியலாளர் மணி, பாலு, செல்வராஜ், மற்றும் பலர் கலந்து கொண்டனர்.

கூட்டியக்கம் காணும்போது, திட்டமிட்டதை கடந்து தனி நபர், அல்லது தனி அமைப்பு முன்னிலைப் படுத்த முயல்வதை தவிர்க்க உறுதி ஏற்கப்பட்டது. அதேபோல "தோழமை மையம்" கொண்டுள்ள பண்பாடான அந்த இடத்தில் திரட்டிய நிதியை அங்கேயே வெளியிட உறுதி செய்ய முடிவெடுக்கப்பட்டது. பேரணி இருபது நூறுகளை கடந்து திரண்டது பாராட்டப் பட்டது. பெண்கள் இயக்கங்களின் பங்கு அணிதிரட்டலில் மிகுந்து நின்றது. மீனவர் சங்கங்களும், மீனவ பஞ்சாயத்துகளும், அதிக அளவில் திரண்டது பாராட்ட தக்கது. முஸ்லிம் அமைப்புகளான " மனித நேய மக்கள் கட்சி" " தமிழ்நாடு முஸ்லிம் முன்னேற்ற கழகம்" " இந்திய தவ்ஹித் ஜமாத்" ஆகியவை தமிழ் உணர்வுடன் வேகமாக முழக்கமிட்டு, கொடிகள் பிடித்து வந்தது பாராட்டப் பட்டது. "நாம் தமிழர் இயக்கம்", " புதிய தமிழகம்", " தமிழ் தேசிய விடுதலை இயக்கம்", காஞ்சி மக்கள் மன்றம், மே 18 இயக்கம்,மற்றும் பல்வேறு தமிழ் அமைப்புகள், கலந்து கொண்டது பாராட்டப் பட்டது.

மின்சார இயக்கத்தில் ஒலிபெருக்கி வைத்திருக்க வேண்டும் என்று உணரப்பட்டது. துனடரிக்கை சிறியதாக இருந்திருந்தால் பொதுமக்கள் படிக்க ஏதுவாக இருக்கும் என்றும் கூறப்பட்டது.அழைப்பு கொடுத்தான் வார இயலாத கட்சிகள், அமைப்புகள் பற்றியும் விவாதிக்கப்பட்டது "தோழமை மாயம்" கட்டப்பைப்பு கட்டும்பணியை செய்ய பலரும் வலியுறுத்தினர். " நாடு கடந்த தமிழீழ அரசாங்கம்" மீது எழுந்துள்ள கேள்விகளும் விவாதிக்கப் பட்டது. அதன் செயல்களை வைத்துதான் எந்த ஒரு அமைப்பு பற்றியும் கருத்து கொள்ள முடியும் என்று ஏற்கப்பப்ட்டது. "நா.க.த.ஈழ.அரசு." செயல்பாடுகளின் விளைவு ஐ.நா. அறிக்கை வெளிவர உதவியதும் பாராட்டப் பட்டது..

ஐ.நா. நிபுணர் குழு அறிக்கை மீது "கையெழுத்து இயக்கம்" நடத்தி, "நாடு கடந்த தமிழீழ அரசாங்கம்" பெற்றுக்கொள்ள அனுப்பிவைக்க முடிவு செய்யப்பட்டது. அதற்கான படிவங்கள் விநியோகிக்கப்பட்டன. மே 12 முதல் 18 வரை, "கருப்பு பட்டை" அணிய திட்டமிடப்பட்டது. " முள்ளிவாய்க்கால் படுகொலைகளை " யொட்டி, கண்டன கூட்டங்களை நடத்த திட்டமிடப்பட்டது.மே 16 இல், "வடபழனி" யிலும், மே 17 இல் " ராயபுரம்" பகுதியில் மீனவர் சங்கங்கள் பொறுப்பிலும், மே 18 இல் காஞ்சியில் "தமிழர் உலகம்" சார்பிலும், " தோழமை மையம்" கண்டன கூட்டங்கள் நடத்துவது என்று முடிவு செய்யப்பட்டது. மே 18 இல் "பெரியார் தி.க." சென்னையில் நடத்தும் கண்டன கூட்டம் பற்றியும் தெரிவிக்கப்பட்டது. மேற்கொண்டு "கையெழுத்து இயக்க" பணிகள் முடுக்கி விடப்பட்டன.