நாம் ஒருசார்பாய் செய்தி கூறினால் யாருக்கு நட்டம்?

நாம் ஒருசார்பாய் செய்தி கூறினால் யாருக்கு நட்டம்?
-----------------------------------------------------------------------------------
   பாலஸ்தீனம் பற்றி எரிகிறது. இஸ்ரேலிய யூத வெறி குண்டுமாரி பொழிகிறது. நாம் கவலை கொள்கிறோம். கண்டனம் செய்கிறோம். இந்திய அரசு கண்டனம் செய்யவேண்டுமே  என்று குரல் எழுப்புகிறோம். சுஷ்மா ஸ்வராஜ் நாடாளுமன்றத்தில் நடந்துகொண்ட முறை, யூத வெறியர்களுக்கு ஆதரவானது என்பதை குற்றம் சாட்டுகிறோம். எல்லாம் சரி. பி.யு.சி.எல். ஒரு கூட்டம் நடத்தியது. அதில் வழக்கறிஞர் நாகசைலா ஒரு செய்தியை கூறினார். காசா பகுதியின் கடலோரம் கிடைக்கும் எரிவாயுவை எடுக்க "இங்கிலாந்து எரிவாயு நிறுவனம்" முதலில் ஹமாஸுடன் ஒப்பந்தம் போட்டிருந்தது. பிறகு இஸ்ரேல் அதை முறியடிக்க எண்ணி, காசா மீது "பொருளாதார தடை"யையும், இங்கிலாந்து நிறுவனத்துடன் தான் ஒரு ஒப்பந்தத்தையும் போட்டது. அதே இங்கிலாந்து நிறுவனம் நமது அம்பானியின் ரிலையனசுடன் சேர்ந்து, எரிவாயு ஒப்பந்தத்தை இந்தியாவில் போட்டுள்ளது. இந்திய அரசை எதிர்த்தே ஒரு வழக்கை உலக அரங்கில் இரண்டு நிறுவனங்களும் சேர்ந்து நடத்துகிறது. அதனாலோ என்னவோ, சுஷ்மா இந்த நிலைப்பாட்டை எடுத்தார் என்றார்.

      அதே சமயம் நாம் ஒன்றை மறக்கவோ, மறுக்கவோ,மறைக்கவோ  முடியாது. அதாவது தலைமை அமைச்சர் மோடி, பிரிக்ஸ் மாநட்டில் இஸ்ரேலை கண்டிக்கும்தீர்மானதில் கையெழுத்திட்டார். அது மட்டுமா? ஐ.நா. மனித உரிமை கழகத்தில், வாக்கெடுப்பில், இஸ்ரேலை கண்டிக்கும் தீர்மானத்தை எதிர்த்து, அமெரிக்க ஒற்றை வாக்கை போட்டபோது, ஐரோப்பிய நாடுகள் வாக்கெடுப்பில் கலந்துகொள்ளாமல் ஓடிய போது,இந்தியா வாக்கெடுப்பை ஆதரித்து நரேந்திர மோடியின் வழிகாட்டலில்,வாக்களித்தது. அதை அடுத்து, ஐ.நா. காசாவில் நடக்கும் போற்குற்றன்களை விசாரிக்க ஒரு மூவர் குழுவை அறிவிக்கும் போது, அதற்கு ஆதரவாக இந்தியா பிரதமரின்  வழிகாட்டலில் வாக்களித்துள்ளது. இவை பாராட்டப்பட வேண்டிய செய்திகள். மோடிக்கும், சுஷ்மாவிற்கும் உள்ள முரண்பாடு என்ற அரசியல் வேறு.செய்தி. ஆனால் நமக்கு இந்திய அரசு இஸ்ரேலின் தாக்குதல்களை எதிர்த்து , போர்குற்றங்களை அம்பலப்படுத்த வேண்டும் என்பதே நோக்கம். இன்னமும் கூறப்போனால், ஈழத் தமிழர் விசயத்தில், இந்த நிலையை எடுக்காத மோடி அரசு, பாலஸ்தீன விசயத்தில் எடுத்துள்ளது. அதே சமயம் அரபு நாடுகள் மவுனம் சாதிப்பதன் மூலம் இஸ்ரேலின் தாக்குதலுக்கு துணை போகின்றன. இந்த உண்மைகளையும் சேர்த்து நாம் பார்த்தால்  மட்டும்தான் நமக்கு பாலஸ்தீன விசயத்தில், ஒரு திசைவழியை நோக்கி இந்த நாட்டு மக்களை கொண்டுசெல்ல எளிதாக இருக்கும். இதை தைரியமாக பா.ஜ.க.,மோடி என்பதை தாண்டி நாம் சிந்திக்க வேண்டாமா? உண்மையை ஒப்புக்கொண்டு பரப்ப வேண்டாமா? 

சரிப் பார்வையும், சதிப் பார்வையும்.

   உலக சமூகத்தின் மனச்சாட்சி உலுக்கியதால், இலங்கை அரசு மீது  ஒரு "போர்க் குற்ற விசாரணையை" ஐ.நா.மனித உரிமைகள் கழகம் தொடங்கியுள்ளது. அதன் "உலக அளவில் பெயர் பெற்ற மூன்று உறுப்பினர்கள்" இலங்கைக்கு அருகாமை நாடான இந்தியாவில் உள்ள "ஈழத் தமிழ் அகதிகளை" விசாரித்தால் "வன்னிப் போரின் கடைசி நிலவரங்களை" தெரிந்துகொள்ளலாம் என்பதால் அதை தடுக்கு நோக்கத்தில், இந்தியா வருவதற்கு நடுவணரசு "விசா" கொடுக்கவில்லை. மகிந்தா அதரவு சக்திகள் இன்னமும் நடுவணரசில் செல்வாக்கு செலுத்துவதால் இந்த "கொடுமை" நடக்கிறது. நடுவணரசை இணங்கவைக்க எததகைய "சாட்சியங்கள்" போர்க் குற்றத்தை அம்பலப்படுத்தும்?  எததகைய "சாட்சியங்கள்" தமிழக மக்களையும் கொந்தளிக்க வைத்து, போர்குற்ற விசாரணை நடத்த "நிர்ப்பந்தம்"தரும்? 

      கடைசி கட்டத்தில் வன்னிப் போரில் நடந்த சில முக்கியமான "காட்சிகள்" சேனல் 4 மூலம் அம்பலமான காட்சிகள் அவ்வாறு ஒரு நிர்ப்பந்தத்தை உரூவாக்கும் என்றால், அவற்றை "அழித்துவிடவோ", "உருமாற்றி" விடவோ, "திசை திருப்பி"விடவோ, மகிந்தாவின் உளவுத்துறையும், அதை ஒட்டியே சிந்திக்கும் "இந்திய உளவு துறையும்', சிந்திக்கும், செயல்படும் என்பதுதானே உண்மை. அப்படி அவர்கள் என்ன சிந்தித்தார்கள்? என்ன செயல்பட்டார்கள்? 

      "போர்குற்றங்களை" "இன அழிப்பு" என்று அழைக்கும் அளவுக்கு சில முக்கிய "தரவுகள்" அல்லது, "சாட்சியங்கள்" கிடைத்துள்ளன. அவற்றை  சேனல்-4 தொலைக் காட்சியும் வெளியிட்டுள்ளது. அவற்றில் முக்கியமானவை என்று சிலவற்றை கூறலாம். முதலில் " வெள்ளைக் கொடியுடன் சரணடைந்த  நடேசன், புலித்தேவன், கேப்டன் ரமேஷ்" ஆகியோர் "கொலை" செய்யப்பட காட்சிகள். இதற்கு இலங்கை அரசு "வேறு பதிலை" கொடுக்கிறது.ரமேஷ் உயிரோடு இருந்தபோது எடுத்த "விசாரணையை" வெளியிட்ட போது, அதற்கும்கூட, அவரை "போராளி" என்றும் பல குற்றங்களை செய்துள்ளார் என்றும் இலங்கை அரசு கூறிவருகிறது. அடுத்து "இசைப்பிரியாவின்" படுகொலை. இசைப்பிரியாவை ஒரு பயிற்சி பெற்ற போராளி என்றும், அவர் "போரில் இறந்தார்" என்றும் ஒரு தேதியை இலங்கை "ராணுவ இணைய தளத்தில்" வெளியிட்டு,  அதற்கும் ஒரு பதிலை பதிவு செய்கிறார்கள். ஆனாலும் விடாமல் அவர் பிடிபட்டு  இழுத்து செல்லப்படுவதை படமாக வெளியிட்டு, அந்த தேதிக்கும், கொல்லப்பட்டதாக இலங்கை அரசு வெளியிட்ட தேதிக்கும் உள்ள இடைவெளியை கூறி நாம் அம்பலப்படுதவேண்டியுள்ளது.அதையே சேனல்-4 பதிலாக  கூறுகிறது. 

      ஆனால் "பாலச்சந்தர்" விஷயம் அப்படியல்ல. அந்த சிறுவன் பச்சிளம் பாலகன் என்பது  உலகுக்கு தெரிந்துவிட்டது. அந்த சிறுவன் தனது தந்தையிடம் "துப்பாக்கி" இருப்பதையே ஏற்றுக் கொள்ளாதவன் என்பதும் பதிவாகி விட்டது. அப்படிப்பட்ட "அப்பாவி சிறுவனை" எப்படி விசாரித்து பிறகு, சுட்டுக் கொன்றுள்ளார்கள்? என்பது உலக சமூகத்தின் மனச்சாட்சியை உலுக்கவே செய்துள்ளது. அதுவே தமிழக மக்களையும் கொந்தளிக்க செய்துள்ளது. அந்த "சாட்சியை" எப்படி "கலைப்பது" என்பதுதான் இலங்கை-இந்திய உளவு துறையினருக்கு முன்னே நிற்கும் "சவால்". அந்த சவாலை சந்திக்கத்தான் இந்த புதிய படம் வெளிவர இருக்கிறது. அதாவது "புலிப்பார்வை" என்ற இந்த படத்தின் சொந்தக்காரர்கள் என்றைக்கும் ஈழத் தமிழர்கள் மீது அக்கறையோ, அனுதாபமோ, கொண்டவர்கள் அல்ல. மாறாக எதையுமே "வணிகமாக்கலாம்" என்று எண்ணுபவர்கள். அதனால் அவர்களது இந்த சித்தரிப்பு ஒரு திட்டமிட்ட "சதி" யாகவே படுகிறது.

                 அதாவது பாலச்சந்த்ரனை ஒரு "போராளியாக" சித்தரித்தால், அவன் "போரில் இறந்தான்" என்றும், "குழந்தைப் போராளிகளை" விடுதலை புலிகள் பயன்படுத்தினார்கள் என்பதாகவும், ஒரு "நச்சு பரப்புரையை" செய்துவிடலாம் என்று  சம்பந்தப்பட்டவர்கள் "சதித் திட்டம்" போடவேண்டிய நிர்ப்பந்தத்தில் உள்ளனர். ஏன் என்றால், ஐ.நா. விசாரணை குழுவிற்கு இந்தியா விசா கொடுக்க மறுத்ததை எதிர்த்து, பெரும் புயல் தமிழகத்தில் மட்டுமல்ல, இந்தியாவின் நாடாளுமன்றத்திலும் கிளம்பி விட்டது. ஆளவே அதன் வீச்சு நடுவணரசை அசைப்பதற்கு முன்னால் இப்படி ஒரு "திசை திருப்பலை" செய்ய அவர்கள் முயற்சிக்கிறார்கள். அதனால்தான் அந்த பட விளம்பரதில்கூட, அவர்கள், "இது ஒரு பாலா பற்றிய நமபமுடியாத உண்மை" என்று பரப்ப தொடக்கி விட்டார்கள். சம்பந்தப்பட்ட நிறுவனம் "பிரபல காட்சி ஊடகங்களை"  வைத்திருப்பதால், அந்த காட்சி ஊடகத்தில் "தங்கள் முகம்" வரவேண்டும் என்ற எண்ணத்தில் பல "தமிழ் ஆர்வலர்கள்" கண்டிக்க மறுக்கிறார்களோ என்ற கருதும் தமிழ்நாட்டில் இருக்கிறது.

மூன்று விக்கட் வீழ்ந்தது.

      பாலாறு மணல் கொள்ளையை  எதிர்த்து  பி.யு.சி.எல். நடத்திய "அதிவேக  பந்து  வீச்சில்",  இன்று  "மூன்று விக்கட்டுகள் வீழ்ந்தன". காஞ்சி மாவட்டம் "பாலாறு நதி, செய்யாறு நதி " கரைகளை அனேகமாக அரித்து எடுத்து விட்ட, "மணல் கொள்ளையர்கள்" பழைய சீவரம் தொடக்கி  "அனுமதி வழங்கப்படாத" பகுதிகள் உட்பட " கொடுக்கப்பட்ட அளவுக்கு மேலே" முப்பது அடி வரை மணலை  தோண்டி எடுத்துள்ளனர். அனுமதிக்கப்படாத "பொக்லைன்' இயந்திரங்களையும் பயன்படுத்தி இந்த மணல் கொள்ளை "சட்ட விரோதமாக" நடந்துள்ளது. இத்தகைய கொடூர செயலை எதிர்த்து, "தமிழக விவசாயிகள் சங்கம்" தமிழினியன் தலைமையிலும், பழைய சீவரம் வட்டாரத்தில், அருங்குன்றம் தேவராஜ், குணசீலன் தலைமையிலும், தொடர்ந்து மக்களை திரட்டி போராடி வந்தது.

                    அதன் தொடர்ச்சியாக , பி.யு.சி.எல். என்ற "மக்கள் சிவில் உரிமை கழகத்தில்" சேர்ந்த அந்த தோழர்கள், ஒரு "உண்மையறியும் குழாம்" தங்கள் பகுதிக்கு வந்து இந்த கொடூரங்களை பற்றிய உண்மைகளை எடுக்க வேண்டும் என கேட்டனர். பி.யு.சி.எல். உண்மையறியும் குழாம், "சென்னை-காஞ்சி-திருவள்ளூர்" மாவட்ட குழு சார்பாக மாவட்ட தலைவர் பேரா.சங்கரலிங்கம், மாநில தலைவர் பேரா.சரஸ்வதி, மக்கள் கட்டிட கலைஞர் சுதிர் ஆகியோர் தலைமையில் புறப்பட்டு சென்றது. விவசாயிகள் சங்க தோழர்களின் உதவியுடன், இரண்டு நதி கரைகளிலும், நேரில் கண்ட, கேட்ட காட்சிகளை, படங்களாகவும், கான் ஒளியாகவும், குறிப்புகளாகவும் எடுத்து, ஆவணமாக்கினர்.

                 அதை 09-10-13 அன்று சென்னை பத்திரிகையாளர் மன்றத்தில், ஊடவியலாளர்கள் கூட்டம் நடத்தி வெளிப்படுத்தினர். அரசுக்கும், கொடுத்து விட்டனர். அதில் தமிழக அரசை "மணல் ஒப்பந்தக்காரர்கள்" ரூ.5,200 கோடிக்கு மேல் ஏமாற்றி உள்ளனர் என்ற கணக்கையும் கொடுத்துள்ளனர். இந்த செய்திகள் தமிழக அரசை "நிலை குலைய செய்து" இன்று காலை செய்திப்படி, "காஞ்சி மாவட்ட ஆட்சி தலைவர், பொதுப்பணித்துறை காஞ்சி வட்டார உதவி நிர்வாக பொறியியலாளர், பொதுப்பணித்துறை மதுராந்தகம் வட்டார உதவி நிர்வாக பொறியியலாளர்" ஆகிய மூன்று விக்கட்டுகள் "இடை நீக்கம்" என்ற அளவில், "வீழ்த்தப்பட்டுள்ளன". ஆட்டம் தொடரும். பி.யு.சி.எல். தனது "அதிவேக பந்து வீச்சை" தொடந்து நடத்தும். மேலும் விக்கட்டுகளை வீழ்த்தும்.

முரசொலியில் இன்று ஏன் "தி.ஹிந்து" இதழ் பரி அய்யா புலம்புகிறார்?

      இன்று முரசொலி ஏட்டில், உ.பி.களுக்கு " கொடிகட்டி பறக்கும் குடிநீர் பிரச்சனை" என்ற தலைப்பில், தி.மு.க.தலைவர் கலைஞர் எட்டு கேள்விகளையும், அதற்கான பதில்களையும் எழுதியுள்ளார். வழக்கம் போல, "கேள்வியும் நானே,பதிலும் நானே" பகுதிதான் இது. அதில் எழுதியுள்ள எட்டு கேள்விகளில், ஐந்து கேள்விகளுக்கு, முதல் வரியில் ஒரே பதிலை கூறியுள்ளார். ஏன்  அப்படி கூறியுள்ளார்?  அவர்தான் சிறந்த அறிவாளி ஆயிற்றே? அவர்தான் சிறந்த அரசியல்வாதி ஆயிற்றே? அவருக்கு அப்படி என்ன ஆதங்கம்? அவருக்கு அப்படி என்ன மனக் குழப்பம்? அவர் ஏன்  நிலை குலைந்து போய் அப்படி எழுதுகிறார்? அப்படி என்னதான் அந்த ஐந்து கேள்விகளின் பதிலிலும் "ஒரே முதல் வரியை" எழுதினார்? 

                       அது என்ன முதல் வரி? அறிய ஆவலாக இருக்கிறதா? எட்டு கேள்விகளில், மூன்றாம் கேள்விக்கான  பதிலில், " கருத்துக்கணிப்பு வெளியிட்டுள்ள "இந்து"விடம் கேட்க வேண்டிய கேள்வியை என்னிடம்  கேட்கிறீர்கள்" என்று உச்சநீதிமன்றம் தமிழக அரசின் தலைமை செயலாளரை நேரில் வந்து நிற்கும்படி ஊறியது பற்றிய கேள்விக்கு விடை தருகிறார். அதேபோல 4,5,6,8 ஆகிய கேள்விகளுக்கு  எழுதிய பதிலில், " இதுவும் இந்துவிடம் கேட்கவேண்டிய கேள்விதான்"  என்றி கூறுகிறார். அந்த அளவுக்கு அவரை துன்புறுத்தி, நிலை குலைய செய்த "தி ஹிந்து" செய்திதான் என்ன? ஒன்றும் இல்லை அது இந்து ஏட்டின் செய்தியும் அல்ல. சி.என்.என்-ஐ.பி.என். மற்றும் இன்னொரு சமூக ஆய்வு நிறுவனம், ஆகியவற்றுடன் "தி ஹிந்து" ஆங்கில நாளேடும் சேர்ந்து வருகிற 2013 நாடாளுமன்ற தேர்தல் எப்படி இருக்கும் என்று ஒரு ஆய்வை  வாக்காளர்கள் மத்தியில் எடுத்து, வெளியிட்டு வருகிறார்கள்.  அதில் நேற்று, தமிழாண்டு பற்றிய ஆய்வு. அதில் .அ..தி.மு.க.அதிக  வாக்கு விழுக்கடுகளை, அதாவது 23% இலிருந்து 26%  க்கு கூடியுள்ளது என்று மட்டும் போட்டிருந்தால்கூட, தலைவருக்கு அவ்வளவு கோபம் வந்திருக்காது. அதிலும் அ.தி.மு.க.2009இல் இருந்த நிலையிலிருந்து,2013இல் 18-20 வரை தொகுதிகளில் வெற்றிபெறும் என்று போட்டதையும் தாண்டி திமுக பற்றி போட்டது அவரை துன்புறுத்திவிட்டது.அதனுடன்  தி.மு.க. "ஏழு விழுக்காடு" வாக்குகள் குறைந்துவிட்டது என்று போடப்பட்டதுதான் அவருக்கு கோபத்தை வரவழைத்துள்ளது.  அதிலும் 2009இல் பெற்ற 18 இடங்களில் இருந்து தி.முக. 8 முதல் 12 இடத்திற்கு குறையும் என்று போட்டது அதிக கோபத்தை ஏற்படுத்தி விட்டது.     

Albright report slams Lanka

July 24, 2013
A report compiled by a committee chaired by former US Secretary of State Madeleine K. Albright has criticised the international reaction to Sri Lanka during the final stages of the conflict despite embracing the Responsibility to Protect (R2P) concept.
R2P focuses on preventing and halting genocide, war crimes, crimes against humanity and ethnic cleansing.
Released by the United States Holocaust Memorial Museum, United States Institute of Peace, and Brookings Institution, the report said that tens of thousands of Tamil civilians died at the end of the Sri Lankan civil war with little international outcry or effective UN response.
Former U.S. secretary of state Madeleine Albright and former presidential special envoy to Sudan Richard Williamson co-chaired the working group which compiled the report.
On Sri Lanka, the report says for over twenty-five years, the conflict in Sri Lanka pitted the army against the separatist insurgency of the Liberation Tigers of Tamil Eelam (LTTE). However, levels of violence escalated rapidly as the government pursued a strategy of military victory and advanced into LTTE-held territory between January and May 2009.
During this period, the civilian population suffered significant casualties and were unable to escape the conflict zone due to LTTE threats and the Sri Lankan military’s prohibitions on movement.
The United Nations estimates that up to forty thousand civilians were killed and hundreds of thousands were displaced during the final phase of the conflict, which ended with the defeat of the LTTE and the deaths of its senior leaders.
“Despite the high number of civilian casualties, the international community did little beyond issuing statements of concern. The UN Security Council, High Commission on Human Rights, and General Assembly held no formal sessions on Sri Lanka during this period. In Sri Lanka, both the government and the rebels can be faulted for failing to protect civilians. However, the international community also neglected its responsibility to take timely action when it was apparent that violations of humanitarian law were taking place,” the report said.
It goes on to say that the case of Sri Lanka exemplifies a challenge for implementing R2P when sovereign governments confront an internal threat from a group that is designated as a terrorist organization.
“Since the end of the conflict, the government has steadfastly denied that the mass killing of civilians and war crimes took place. While launching its own inquiry into the military’s actions, the government has obstructed international efforts to investigate potential war crimes and crimes against humanity. Critics question the independence and balance of the government commission’s report and argue that accountability requires a more credible investigation. If a recurrence of conflict in Sri Lanka is to be prevented, the international community should help the government respond to the needs of all communities in the country, while undertaking a national reconciliation process that addresses wounds inflicted during nearly three decades of conflict,” the report said. (Colombo Gazette)

தமிழண்ணல் கட்டுரைக்கு சுப.வீ.. முரசொலியில் பதில்? சுப.வீ.யிட்ம் கேள்விகள்?

     இன்று முரசொலியில்,   ஒன்பதாம் பக்கம் "  தமிழறிஞர்களின் அடக்கமும் ஆர்ப்பரிப்பும்" என்ற சுப.வீரபாண்டியன் அவர்களின் கட்டுரை வெளிவந்துள்ளது. அதில் "தினமணி"யில் தமிழண்ணல் 20-07-2013இல் " மொழிக் கொள்கையில் ஏற்பட்டுள்ள குழப்பங்கள் " என்ற தலைப்பில் எழுதியுள்ள கட்டுரைக்கு பதில் எழுதியுள்ளார். சு.ப.வீ.அவர்கள் குறிப்பிட்டுள்ள பல செய்திகள், மேற்கோள் காட்டி தமிழண்ண்லிடம்  கேட்கும் பல கேள்விகள் எனக்கு நான் தமிழண்ணலின் கட்டுரையை படிக்கவில்லையே என்ற வருத்தத்தை ஏற்படுத்தினாலும், நான் நேரில் கண்ட சில காட்சிகளும் எழுதப்பட்டிருப்பதால், அதையாவது நண்பர்களிடம் பகிர்ந்துகொள்ளலாம் என்று எண்ணுகிறேன்.

           சுப.வீ.எழுதுகிறார்," 2006 இல் ஆட்சிக்கு வந்தவுடன், தமிழ்நாட்டு பள்ளிகள் அனைத்திலும் ஐந்தாம் வகுப்புவரை தமிழ்மொழி கட்டாயப்பாடம் என்று கலைஞர் அரசு 

அறிவித்ததே அதனை எங்கேனும் தன கட்டுரையில் பேராசிரியர் குறிப்பிட்டிருக்க வேண்டாமா? அரசு பொறுப்பு ஏற்றவுடன் பள்ளிக்கல்வித்துறை சார்பில் வெளியிடப்பட்ட முதல் அரசு ஆணையே அதுதான் என்கிறார் அன்றைய பள்ளிக் கல்வித்துறை அமைச்சர் தங்கம் தென்னரசு".இந்த செய்தியில்தான் என்னைக்குத் தெரிந்த விவரங்களையும் எழுத எண்ணுகிறேன். 2006 இல் கலைஞர் ஆட்சிப் பொறுப்புக்கு வந்தவுடன் "தானாக" முன்வந்து அப்படி ஒரு ஆணையை வெளியிட்டாரா? 

தமிழ்ச் சான்றோர் பேரவை சார்பாக "நூறு தமிழ் அறிஞர்களின் பட்டினிப் போர்" ஒன்று வள்ளுவர் கோட்டத்தில் அய்யா ஆனா.ரூனா.வால்  ஏற்பாடு செய்யப்பட்டதே? அதன் கோரிக்கைதானே "குறைந்தபட்சம் ஐந்தாவது வகுப்புவரை தமிழ் மொழிப் பாடம்" வேண்டும் என்பது. அந்த போராட்டத்திற்கு தலைமை தாங்க ஏற்பாடாகியிருந்த " சிலம்பொலி செல்லப்பன்" திடீரென தனது வருகையை ரத்து செய்துவிட்டார். ஆனால் கவிஞர் இளவேனிலோ சிலம்பொலி செல்லப்பன் தலைமை என்று போட்டு, புரட்சிகர துண்டறிககை விநியோகம் செய்துவிட்டார்.உடனடியாக் தமிழண்ணல் தான் அந்த போராட்டத்தை தலைமை தாங்கி நடத்தினார். இஅரண்டு நாள், தமிழறிஞர்களின் பட்டினிப் போர் தொடர, கலைஞர் அரசோ, செவி சாய்க்கவில்லை. நெடுமாறன் கலந்துகொண்டு ஆதரவு தந்தார். இளைஞர்கள் துடித்தனர். உளவு துறை செய்திகளை அனுப்பிக் கொண்டே இருந்தது. பி.வி.பக்தவச்சலம் வந்தார். அவர் மூலம் மருத்துவர் கிருஷ்ணசாமியின் ஆதரவையும் தொலைபேசி மூலம் பெற முடிந்தது. பல தமிழ் அறிஞர்கள் ஆவேசமாக பங்கு கொண்டனர். கடைசியாக அரசு பணிந்தது.

       ஆகவே கலைஞர் ஆட்சிக்கு வந்தவுடன் "தானாக" தமிழுக்கு இறங்கவில்லை.ஒரு போராட்டம்தான் இறக்கியது. இதுவரைதான் எனக்கு தெரியும். ஆனால் நண்பர் அரணமுறுவல் மேலும் பல செய்திகளை இன்று கூறினார். கலைஞர் அரசின் ஆணை வெளிவந்தவுடன், "தமிழ்நாடு மெட்ரிகுலேசன் பள்ளிகளின் சங்கம்" அரசு ஆணைக்கு எதிராக நீதிமன்றம் சென்றது.அதுவும்கூட அரசின் கல்வி இயக்ககம் ஏற்பாடு என்று ஒரு கருத்து உண்டு. கலைஞர் அரசு மோகன் குழு ஆலோசனையை கேட்டது. அந்த ஆலோசனையும் தமிழுக்கு சாதகமாகவே இருந்தது. உயர்நீதிமனர்மும் தமிழுக்கு சாதகமாகவே தீர்ப்பு கூறியது. மேல்முறையீடு உச்சநீதிமன்றம் சென்றது. உச்சம் நமது தலையின் உச்சத்தில் "தட்டி அமரச்செய்து" விட்டது.அதற்கு கலைஞர் அரசான தமிழ்நாடு அரசு மேல்முறையீடு "செல்லவில்லையே?" என்று நம்மிடம் அரணமுறுவல் கேள்வி கேட்கிறார். இதை தமிழுக்கு செய்த "பச்சை துரோகம்" என்று எடுத்துக் கொள்ளலாமா? ஜெயலலிதா அரசு தமிழ் மீது ஆகாரை கட்டவில்லை என்றால் நமக்கு அது அதிர்ச்சியாக இருப்பதில்லை ஜெயலலிதாவிற்கு தமிழ் மொழியின் முக்கியத்துவத்தை , அதன் பயிற்றுமொழி தேவையை விளங்கிக் கொள்ள முடியுமா? என்பது இன்னமும் நமக்கு தெரியவில்லை. எல்லாமே இந்த அரசில் "இரும்பு திரித்தானே?" ஆனால் கலைஞர் எப்போதும், தமிழ் மொழியின் முக்கியத்துவம் பற்றி பேசுவதால் எழுதுவதால், நடக்கும் நாடகங்கள் "தெரிந்தே" செய்யப்படுகிறதோ? என்ற கேள்வி எழுகிறது. 

அய்யய்யோ, அய்யய்யோ, கடற்கரை காணமல் போகுதே ?

      கடல் நீரை குடிநீர் ஆக்கும் திட்டம். ஆகா. எத்தனை அழகான திட்டம். வெங்காயம். எவனயா சொன்னான் அழகான திட்டம்னு?  ஆமாம்.மாநிலமெங்கும் "தண்ணீர்" கிடைக்காதபோது, அது அழகான திட்டம்தானே? யோவ். கடல்னா என்னனு தெரியுமா? கடல் நீர்னா  என்னனு புரியுமா? அதுல இருக்கற உப்பு எப்படிப்பட்டதுணி அறியுமா? அதிலிருந்து "உப்பை நீக்கி குடிநீர்" ஆக்கினா,என்னாகும்னு விளங்குமா? இப்போ "சூளேரி காட்டுகுப்பதுல" ஒரு டிசேலிநேசன் பிளான்ட் இருக்கே? கடல் நீரை குடிநீராக்கும் திட்டம் நால்லாதானே போய்க்கிட்டு இருக்கு? எவனய்யா சொன்னான்?  முதல்ல மீனவர் சங்கதுகாரங்க, "இது ஆபத்தான திட்டம்னு" சொல்லியும் அந்த ஊர் சனம் கேக்கல்ல.இப்போ அடிச்சிக்கிறாங்க,வயித்துல?  ஏன்? கடலுக்கு மீன் பிடிக்க போன ஒரு மீனவர் இந்த திட்டத்திற்காக கட்டிய "கடலுக்குள் சுவர்" என்பதில் படகு மோதி இறந்தார்.கடல் நீர் ஊருக்குள் வரத்தொடங்கி, ஊரையே :காலி" செய்யும் நிலைமை வந்துவிட்டது. 

                   கடல் நீரை எடுக்கும் "குழாயில்" சிறிய மணல்களும் உள்ளே நுழைந்து, அந்த "ஆலை" பழுதாகி, ஒரு குழாயில் உற்பத்தி பாதிப்பு. அதன்மூலம் கொட்டிவாக்கம் வரை குடிநீர் கொடுத்துவந்த "சென்னை குடிநீர் வாரியம்" ஒரு வாரத்திற்கு மேல் குடிநீர் கொடுக்க முடியவில்லை. அத்தகைய "குடிநீரும்" எப்படி இருக்கும்? மயிலாப்பூர் நொச்சி குப்பத்தில் ஒரு "டிசெலினெசன் பிளான்ட்" "டீம்" என்ற அரசு நிறுவனம் பெயரில் பல ஆண்டுகளாக இருக்கிறது. அதில் முதல் நாள் தண்ணீர் சுவையாக இருக்கும் அய்யா.மூன்றாம் நாள் "புழு நெளியும்" அய்யா. என்கிறார்கள். இதிதான் அனுபவம் என்றால், ஏன் இந்த அதிகாரிகள் இப்படி "தவறான திட்டத்தை" ஆலோசனை கூறி அரசை அசிங்கப் படுத்துகிறார்கள்? அவர்கள் என்ன சொல்கிறார்கள்? துபாயில் இந்த திட்டம் இருக்கிறதே? என்கிறார்கள். அய்யா, அங்கே நிலத்தின் அடியில் நீர் எடுக்க முடியாது. பாலைவனம். நம்ம ஊர்ல "ஒழுங்கா ஏரி, குளம்",என்று மூதாதையர்களால் தோண்டப்பட்டவற்றை  "பராமரித்தாலே" போதுமே?   அதுல போய் "பிளாட் போட்டு விக்கறீங்க". ஏறி,குளம், தூர் வாரி ஆழப்படுத்த "அரசுக்கும், அதிகாரிகளுக்கும் துப்பில்லை". கடல்ல போய்  ஓங்க விளையாட்டை காட்டறீங்க. அது திருப்பி அடிக்குது. 

             நீங்க எடுக்கற கடல் உப்பின் "கழிவு உப்பை" கடலிலேயே கொட்டறீங்களே? அது "மீன் வளத்தை" அடர்த்தியான உப்பு காரணமாக ஆழிக்காதா? என்ன மூளை அய்யா உங்களுக்கு? கடலை பற்றி ஒன்னும் விளங்கலைனா, மீனவரகளை  கூப்பிட்டு கேளுங்கய்யா?  உங்க "நிலம் சார்ந்த உலக சிந்தனையை" கடல் வாழ் பழங்குடிகளான மீனவர்கள் மீது ஏன் "திணிக்கிறீங்க?" கடற்கரை முழுக்க இப்போ "சூளேரி காட்டு  குப்பத்தில்" அரிக்கப்பட்டு விட்டதே? அதை ஈடுகட்ட "பாரங்கல்களை" போடும் அதிகாரிகளே, உங்கள் மூலையில் இருப்பது "பாரங்கல்களா?" துபாயில் மட்டும் எப்படி இந்த திட்டம் வெற்றி அடிக்கிறது? என்று கேட்கிறீர்களே? அங்க "கரையோர மீன்பிடி தொழில்"நம்ம ஊரைப் போல கிடையாது. அங்க "ஆழ்கடல் மீன்பிடி" மட்டும்தான். அதனால் நீங்க கரையோரம் "பாரங்கல்லை" போட்டாலும், போடாவிட்டாலும், அது மீன் பிடி தொழிலை ஒன்றும் செய்யாது. இந்த லட்சணத்தில், தமிழக அரசு, தமிழக கடற்கரையோரம் "நூறு டிசேலிநேசன் பிளான்ட்" கொண்டுவர திட்டமிடுகிறதாம்.அது எப்படி இருக்கு? 

               துபாயில் ஒவ்வொரு கடலோர ஊருக்கும் இடையில் நூற்றுக் கணக்கான மைல் தூரம் இருக்கு. தமிழக கடற்கரை மொத்தம் இருக்கற "ஆயிரம் கிலோமீட்டரில்" பத்து கோழி மீட்டருக்கு ஒரு மீனவர் கிராமம் இருக்கு. அந்த கடலோர கிராமங்கள் என்னாகும்? இதற்க்கு பெயர் "மீனவர் நண்பர் ஆட்சியா?" மீனவர் விர்தோத அடசியா? நிலம்சார்ந்த உலங்கின் அரசியல்வாதிகளே,அதிகாரிகளே, ஆட்சியாளர்களே, நீங்கள் இனி "கடல்சார்ந்த உலகின் " மீனவ மக்களையோ, அவர்களின் கடற்கரையையோ, கடலையோ" தொட்டு அழிக்க முற்பட்டால், இங்கொரு "சோமாலியா" உருவாவதை தஹ்டுக்க முடியாது? சோமாலியாவின் கடல்சார் மீனவ மக்களை ஏகாதிபத்தியம் அழித்ததால்தான் அவர்கள் இன்று," கடல் கொல்லைகாரகளாக" உருவாக்கி உங்களது உலகத்திற்கே சிம்ம சொப்பனமாக மாறி இருக்கிறார்கள். நினைவில் வைத்து கொள்ளுங்கள். இங்கும் அப்படி ஒரு ன் இலையை அரசு தோற்றுவிக்கத்தான்,"சூளேரி காட்டு குப்பங்கள்" உருவாக்க விரும்புகிறதா?